चिल्ड्रन वेल्फेयर ट्रस्ट (मुंबई) द्वारे पुण्यातील देवघर येथील जिल्हा परिषद प्राथमिक विद्यालयाच्या दुमजली भवनचे पुनर्निर्माण
- by Adarsh Maharashtra
- Sep 28, 2020
- 846 views
मुंबई : शाळा ही माणसाची मुलभूत गरज असल्याचे मानून अंधेरी (पश्चिम) यारी रोड येथील चिल्ड्रन वेल्फेयर ट्रस्टचे संचालक, ज्ञानगुरू महर्षी माननीय श्री. अजय जवाहर कौल यांच्यातर्फे पुण्यातील देवघर येथील वाकसई ग्रामपंचायत, ता. मावळ भागातील जिल्हा परिषद प्राथमिक विद्यालयाच्या दोनमजली भवनाचे नुकतेच पुनर्निर्माण करण्यात आले. त्यानंतर रविवारी 27 सप्टेंबर 2020 रोजी मावळचे आमदार श्री. सुनील अण्णा शेळके यांच्या हस्ते या भवनाचे उद्घाटन करण्यात आले.
यावेळी उपस्थितांनी अजय कौल यांचे मुक्त कंठाने कौतुक करताना म्हटले की, त्यांनी भावी पिढीतील विद्यार्थी आणि तरुणांच्या कल्याणासाठी एक मोठे काम केले आहे. यानंतर बोलताना अजय कौल सर म्हणाले की, ‘आजच्या तरुण पिढीच्या भविष्यासाठी आज खरी गरज आहे ती त्यांना चांगले शिक्षण देण्याची... अंध:कारातून त्यांना आत्मज्ञानाकडे जाण्यात मदत करण्याची... यामुळे त्यांना आपल्या चांगल्या वाईटाची परख करता येऊ शकेल.’
या प्रसंगी मुंबई महिला विभागप्रमुख आणि नगरसेविका राजूल पटेल, उप विभागप्रमुख राजेश शेटे, नगरसेविका प्रतिमा खोपडे, शाखाप्रमुख सतिश परब, सुजाता वाधवा, चिल्ड्रन वेल्फेयर सेंटर हायस्कूल एक्टिव्हिटी चेयरमन प्रशांत काशिद हेही उपस्थित होते
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम