मुंबई क्षयरोग रुग्णालयातील कर्मचाऱ्यांच्या प्रलंबित मागण्या मान्य
- by Adarsh Maharashtra
- Sep 27, 2020
- 766 views
मुलुंड :(शेखर भोसले) मुंबई क्षयरोग रुग्णालयातील कर्मचाऱ्यांचे अनेक प्रलंबित प्रश्न व विविध मागण्यांसाठी म्यूनिसिपल कर्मचारी कामगार सेना संघटनेचे अध्यक्ष बाबा कदम साहेब यांच्या आदेशाने युनियनचे सरचिटणीस संजय वाघ, युनियन सल्लागार अतुल कुलकर्णी, मुंबई जिल्हा क्षयरोग नियंत्रण सेना संघटनेचे अध्यक्ष सागर कदम यांनी क्षयरोग कर्मचाऱ्यांच्या मागण्या व समस्या सोडविण्यासाठी दि. २२ सप्टेंबर रोजी दुपारी ४.०० वाजता मुख्य वैद्यकीय अधिकारी डॉ. प्राणिता टीपरे (डीइएचओ) यांची भेट घेवून महत्वपूर्ण चर्चा केली व कामगारांच्या मागण्या मान्य करून घेतल्या तसेच खूप दिवसांपासून प्रलंबित असलेले क्षयरोग कर्मचाऱयांचे अनेक प्रश्न मार्गी लावले.
या बैठकीत मुख्य वैद्यकीय अधिकारी डॉ. प्राणिता टीपरे यांनी कर्मचाऱ्यांच्या विविध मागण्या मान्य केल्या असून क्षयरोग कर्मचाऱ्यांना न्याय दिला आहे.
बैठकीत चर्चा करून मान्य करण्यात आलेल्या मागण्या पुढीलप्रमाणे: कर्मचाऱ्यांना कोविड १९ कालावधी मधील प्रवास व अल्पोपहार भत्ता रुपये ३०० हा मंजूर झाला असून येत्या सप्टेंबर महिन्याच्या वेतनामध्ये तो देण्यात येणार आहे. आहार व जोखीम भत्ताची हरवलेली फाईल मिळाली असून ती डॉ केणी (डीटीओ) यांच्याकडे असून येत्या ७ दिवसांमध्ये हा प्रश्न सोडवला जाईल. सर्व प्रसुती रजेतील पात्र महिला कर्मचारी यांना प्रसुती रजेंच्या काळातील वेतन रजेवर असताना मासिक वेतानाप्रमाणे देण्यात येणार असून ज्या महिला कर्मचारी कामावर रुजू झाल्या आहेत त्यांचे या काळातील वेतन देखील लवकरात लवकर देण्यात येणार आहे. मुंबई महानगर पालिकेचा लोगो असलेले ओळखपत्र सर्व कर्मचाऱ्यांना लगेच देण्याचे मान्य करण्यात आले आहे. कोविड काळातील हजेरी प्रमाणे आलेला प्रोत्साहन भत्ता सर्व कर्मचाऱ्यांना मंजूर झाला असून परंतु ऑडिटमध्ये कोणतीही अडचण येऊ नये या साठी रुपये ३०० चा भत्ता मिळाल्या नंतर प्रोत्साहन भत्ता देण्यात येणार आहे. क्षयरोग कर्मचारी हा अत्यंत कमी वेतनात काम करत असल्याने त्यांना सानुग्रह अनुदान मिळावे याबाबतचे पत्र आयुक्तांना देण्यात येणार असल्याचे मान्य करण्यात आले आहे कर्मचाऱयांना २००० रुपये प्रवास भत्ता मजूर झाला असून नवीन नियमावली आली की हा वाढीव भत्ता सर्वाना लागू करण्यात येइल तसेच हा भत्ता वेतनसोबत देण्यासाठी पुढील ३ ते ४ दिवसांमध्ये प्रस्ताव बनवून मंजुरी साठी पाठविला जाईल. वार्षिक ५% इन्क्रीमेंट देण्यासाठीचे पत्र अद्याप आले नसून नवीन नियमावलीत तो देण्यात यावा असे पत्र आल्या नंतर कर्मचाऱ्यांना त्याप्रमाणे इन्क्रीमेंट देण्यात येईल.
क्षयरोग कर्मचाऱ्यांच्या मागण्या मान्य झाल्यानंतर कर्मचाऱ्यांपुढे बोलताना म्युनिसिपल कर्मचारी कामगार सेनेचे सचिव संजय वाघ यांनी सांगितले की, 'संघटनेने दिलेल्या शब्दा प्रमाणे संघटना काम करत आहे पण आता वेळ आहे तुमची. तुमच्या पाठिंब्याची ज्या प्रमाणे आंदोलना साठी सर्व कर्मचारी यांनी वाद बाजूला ठेवून १००% पाठिंबा दर्शविला होता तसाच पाठिंबा जर यापुढे ही आम्हाला दिला तर आम्हाला आपली पुढील कामे करण्यासाठी १०० हत्तींचे बळ येईल.आपली सर्वात कळकळीची मागणी, पगारवाढ या साठी संघटनेने बरीच पाऊले उचलली आहे आता साथ फ़क्त तुमची हवी आहे. जर तुम्ही आम्हाला साथ दिली तर या वर्षाअखेर पर्यंत समान काम समान वेतन हे आपल्या क्षयरोग कर्मचाऱ्यांना आपली संघटना मिळवून देईल.'
या बैठकीवेळी उपाध्यक्ष अमोल पाटील, पदाधिकारी भिमराव शिंदे, सुजाता पुंडे, प्रिया राणे, महेश म्हाब्दी, महेंद्र पानपाटिल, स्वप्निल कांबळे, रुपेश भालेराव तसेच राजकुमार कुंभार, धनंजय सकपाळ, शैलेश घोडके, प्रशांत झोडगे, पूजा झोडगे, दिपक दामसे, इ. कर्मचारी उपस्थित होते.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम