मुंबई : मराठा समाजासाठी E.W.S. आरक्षण देण्याचा निर्णय घेतला त्याला सगळ्यानी पाठिंबा दिला आहे. मी म्हणालो होतो मराठा समाजाला देण्यास विरोध नाही मात्र राज्यात 52% ओ.बी.सी. आहे त्यांनाही न्याय मिळाला पाहिजे. ओ.बी.सी.चे अनेक नेते मला भेटले. आमच्याही काही मागण्या आहेत त्यासाठी मुख्यमंत्री उद्धव ठाकरे यांच्याकडे भेटीची वेळ मागितली आहे अशी माहिती मदत व पुर्नवसन मंत्री विजय वडेट्टिवार यांनी दिली. मराठा समाजाला सरकार जे काही द्यायला तयार आहे तसेच ओ.बी.सी. समाजालाही मिळाले पाहिजे यासाठी वडेट्टिवार आग्रही आहेत. मुंबईत माध्यमांशी बोलताना ते म्हणाले, की ओ.बी.सी. समाजाला लोकसंख्येनुसार निधी दिला पाहिजे.तसेच इतर घटक नाराज होता काम नये.ओ.बी.सी. समाजाचे वसतिगृह कोळी,माळी,धनगर रोज कमवून खाणारे इतका मोठा वर्ग आहे. ओ.बी.सी. महामंडळ आणि वसंतराव नाईक विकास महामंडळ निधी उपलब्ध करून देण्याची आपली आग्रही भूमिका आहे या प्रश्‍नावर मी अजित पवार यांचीही भेट घेणार आहे. जो गरीब मराठा आहे त्यांना न्याय मिळाला पाहिजे असे स्पष्ट करतानाच ते म्हणाले, की निधी मिळावा यासाठी आग्रह असणार. ओ.बी.सी. आरक्षण 27% आहे विमुक्त भटक्‍या जमातींना 8% आहे. ओ.बी.सीं.च्या कोट्यातून मराठा आरक्षण नको ही आमची भूमिका राहणार याबाबत मुख्यमंत्री न्याय देतील असा मला विश्वास आहे. खासदा अमोल कोल्हे यांच्या मताशी मी सहमत नाही. मराठा आरक्षणाला विरोध नाही पण ओ.बी.सीं.चे नुकसान नको अशी माझी भूमिका आहे.मे.सर्वोच्च न्यायालयाने मराठा आरक्षणास स्थगिती दिल्याने ठाकरे सरकारवर गेल्या काही दिवसापासून टीका होत आहे. मराठा समाजातील नेतेही कोणत्याही परिस्थितीत आरक्षण मिळालेच पाहिजे अशी भूमिका घेत आहेत. कोरोनाचे संकट असतानाही मराठा समाज पुन्हा एकदा रस्त्यावर आला आहे.