नगरसेवक प्रकाश गंगाधरे यांना कोरोनाची लागण! उपचाराला उत्तम प्रतिसाद
- by Adarsh Maharashtra
- Sep 22, 2020
- 1449 views
मुलुंड :(शेखर भोसले)विभाग क्र १०४ चे नगरसेवक प्रकाश गंगाधरे हे दि १७ सप्टेंबर पासून कोरोनाने आजारी असून उपचारासाठी त्यांना फोर्टिस रुग्णालयात दाखल करण्यात आले असून आता त्यांची तब्येत स्थिर असून उपचाराला योग्य प्रतिसाद देत असल्याचे सूत्रांनी दिलेल्या माहितीवरून समजले.
कोरोनाचा प्रादुर्भाव सुरु झाल्यापासून नगरसेवक प्रकाश गंगाधरे हे सतत आपल्या प्रभागात कार्यरत असून प्रभागातील नागरिकांची सर्वतोपरी काळजी घेत आहेत. लॉकडाऊन सुरु झाल्यापासून, गेल्या सहा महिन्याच्या काळात त्यांनी अनेक गोरगरीब, गरजू, मजूरांना दोन वेळच्या अन्नाच्या पॅकेटचे वाटप करत आहेत तर कित्येकांना त्यांनी अन्नधान्य वाटप केले आहे.तसेच विभागातील नागरिकांना मास्क, सॅनिटायझर, होमिओपॅथी औषध अर्सेनिक अल्बम, इत्यादींचे मोफत वाटप केले. विभागातील प्रत्येक वस्तीत, इमारतीत सॅनिटायझर फवारणी केली तर विभागातील रहिवाशांच्या सोयीसाठी मोफत आरोग्य शिबिरे आणि मोफत औषधं वाटप केले. प्रत्येक सोसायटीत व वस्त्यांमध्ये भाजीपाला विक्री केंद्रे सुरु केली.
गेल्या सहा महिन्यांपासूनच्या कोरोनाच्या काळातही सातत्याने आपल्या प्रभागातील जनतेच्या संपर्कात राहून त्यांच्या नागरी समस्या, प्रश्न सोडविण्यासाठी वेळेचे बंधन न पाळता धावून जाण्याचे महत्वपूर्ण कार्य नगरसेवक प्रकाश गंगाधरे करत असल्यामुळे विभागातील जनतेने देखील त्यांच्या कार्याबद्दल प्रशंसोद्गार काढले आहेत. जनतेचे प्रश्न, समस्या सोडविण्यासाठी जनतेशी, पालिका अधिकाऱयांशी त्यांचा सततचा संपर्क असायचा.
यासंदर्भात माहिती देताना नगरसेवक प्रकाश गंगाधरे यांनी एक निवेदन प्रसिद्ध केले असून त्या निवेदनात, "कोरोनाचा संसर्ग सुरु झाल्यापासून मुलुंड वॉर्ड क्रमांक १०४ चा नगरसेवक म्हणून मतदार बंधू-भगिनीसाठी मी सेवा पुरवत होतो. त्यातूनच कोरोना संसर्गाची भिती होती. अखेर अनेक काळजी घेवूनही मलाही संसर्ग झाला आहे. मी रुग्णालयात दाखल होऊन उपचार घेत आहे. माझ्या संपर्कात आलेल्या नागरिकांनी आणि सहकार्यांनी स्वत:ची काळजी घ्यावी आणि तुम्हाला कोरोनाची काही लक्षणे आढळल्यास लगेच टेस्ट करून घ्यावी आणि स्वत:ची काळजी घ्यावी", असे विनंतीपूर्वक आवाहन त्यांनी केले आहे.
आपल्या सगळ्यांच्या आशिर्वादाने आणि शुभेच्छांमुळे मी लवकरच कोरोनावर मात करून आपल्या विभाग क्र १०४ च्या नागरिकांच्या सेवेस रुजू होईल, असेही पुढे नगरसेवक प्रकाश गंगाधरे यांनी सांगितले आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम