मुलुंड कॉलनीतील गणेशपाडा येथील शौचालय फुटल्याने परिसरात अस्वच्छता व दुर्गंधी
- by Adarsh Maharashtra
- Sep 21, 2020
- 1146 views
मुलुंड :(शेखर भोसले) मुलुंड पश्चिमतील मुलुंड कॉलनी परिसरातील गणेश पाडा येथील शौचालय दुरावस्थेत असून शौचालयाची पाईप लाईन फुटली असल्याने आतील शौच बाहेर वाहत आहे. परिणामी शौचालय परिसरात घाण पसरली आहे तसेच सर्वत्र दुर्गंधी पसरली आहे. परिसरात रोगराई पसरण्याची शक्यता निर्माण झाली असून नागरिकांना यामुळे अनेक आपत्तींचा सामना करावा लागत आहे तसेच घाण आणि दुर्गंधीमुळे तेथे वावरणे कठीण झाले आहे.
यासंदर्भात पालिकेच्या टी वॉर्ड अधिकाऱ्यांना तक्रारी करण्यात आल्या असून त्यांच्याकडून काहीच कारवाई होत नसल्याने तसेच दुर्लक्ष केले जात असल्याने काही संतप्त नागरिकांनी परिसरातील सामाजिक कार्यकर्ते अनिल म्हस्के यांच्याकडे गार्हाणे मांडले आहे. अनिल म्हस्के यांनी एका पत्राद्वारे मुंबईचे पालिका आयुक्त इकबालसिंग चहल, घाटकोपर येथील परिमंडळ ६ चे उपायुक्त व टी वॉर्डचे सहाय्यक आयुक्त यांना इमेल पाठवून सदर प्रश्नी लक्ष घालून शौचालय तातडीने दुरुस्त करण्याची मागणी केली आहे.
पालिकेच्या अधिकाऱयांशी संपर्क साधण्याचा प्रयत्न केला असता काहीच प्रतिसाद मिळाला नाही. परंतु सध्याच्या कोरोना महामारीच्या काळात स्वच्छतेचे महत्व सर्वांना पटलेले असूनही पालिका मात्र गणेश पाडातील दुरावस्थेत असलेल्या शौचालयाच्या दुरुस्तीकडे दुर्लक्ष करत रहिवाशांना अस्वच्छतेत ठेवत रोगराई वाढवित असल्याबद्दल येथील रहिवाशांमध्ये प्रचंड असंताप निर्माण झाला आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम