मुंबई  (जीवन तांबे)चुनाभट्टी येथील के. जे सौमया रूग्णालया जवळील एव्हरार्ड नगर ते सायन मार्ग जाणाऱ्या मार्गावर    गाडीच्या मागिल टायर खाली अडकलेल्या अत्यन्त दुर्मिळ आजगराला सर्प मित्रांनी शिताफीने सुटका करून त्याला ठाण्याच्या जंगलात सोडले.

चुनाभट्टी येथील के.जे  सोमय्या रुग्णालय  समोरील नाल्यातून  एव्हरार्ड नगर येथून सायन मार्गे  जाणाऱ्या मार्गावरून सकाळी दहाच्या सुमारास एक अत्यत दुर्मिळ 10 फुटाचा अजगर सोमय्या मैदानातून सकाळी 10 सुमारास  जलद मार्गावर आला असता त्याला बस स्टॉप वर उभे असलेल्या प्रवाशांनी पाहून आरडाओरडा सुरु केली तो आपला जीव वाचविण्या करिता मार्गाच्या बाजूला उभ्या असलेल्या चारचाकी गाडीच्या मागील चाकात जाऊन लपला होता. या बाबत स्थानिकांनी सुमन नगर वाहतूक कक्ष व चुनाभट्टी पोलीस ठाण्यात दिली असता त्यांनी सर्प मित्र सुनील कदम यांना माहिती  दिली त्यांनी आपल्या सहकारी अभिरुप कदम, सिध्दार्थ गायकवाड यांच्यासह तत्काळ घटना स्थळी धाव घेतली आणि मोठ्या शिताफीने   चाका मध्ये अडकलेल्या आजगराला सुखरूप बाहेर काढले. यावेळी अर्धा तास या मार्गावर वाहतूक कोंडी झाली होती.

या आजगराला ठाणे येथील जंगलात सोडण्यात आले आहे यावेळी घटनास्थळी चुनाभट्टी पोलिस ठाण्याचे वरिष्ठ पोलीस निरीक्षक दिलीप पगारे, वाहतूक शाखेचे वरिष्ठ पोलीस निरीक्षक प्रवीण तेजाळे व त्याचे सहकारी,  समाजसेवक जितेंद्र जाधव  यांनी मोलाचे सहकार्य केले.