मुलुंड पश्चिमेला एका पडक्या इमारतीत आढळली मानवी कवटी आणि हाताचे हाड
- by Adarsh Maharashtra
- Sep 21, 2020
- 947 views
मुलुंड :(शेखर भोसले)मुलुंडच्या आर. एच. बी. रोडवर असलेल्या साधना इमारतीच्या आवारात एक मानवी कवटी आणि हाताचे हाड सापडल्याने परिसरात एकच खळबळ उडाली आहे. अनेक महिन्यांपासून ही इमारत पडक्या अवस्थेत असून गुरुवारी तेथे पत्रे ठोकण्याचे काम सुरु असताना कामगारांना ही कवठी आणि हाताचे हाड सापडले. मुलुंड पोलिसांना याची खबर मिळताच पोलिसांनी घटनास्थळी धाव घेवून मिळालेली कवटी आणि हाड ताब्यात घेतले असून, पुढील तपासणीसाठी फॉरेन्सिक लॅबला पाठवणार असल्याचे सांगितले.
मुलुंड पश्चिमेच्या आर. एच. बी. रोडवरील साधना या पडक्या इमारतीच्या सभोवताली पत्रे लावण्यासाठी खड्डे ठोकण्याचे काम चालू होते. खड्डे खोदत असताना तेथील कामगारांना मातीखाली एक मानवी कवटी मिळाली. ही कवटी पाहताच या मजुरांची पाचावर धारण बसली. रस्त्यावरून जाणाऱया नागरिकांनी हे पाहताच त्यातील एकाने ताबडतोब मुलुंड पोलिसांना याची माहिती दिली.
मुलुंड पोलिसांनी तातडीने घटनास्थळी धाव घेवून पंचनामा सुरु केला. या पंचनाम्यादरम्यान या परिसरात अधिक शोध घेतला असता तेथेच हाताचे हाड देखील आढळून आले. सायंकाळपर्यंत या मानवी सांगाड्यातील इतर अवयवांचा शोध घेण्याचे काम पोलिसांमार्फत सुरु होते मात्र उर्वरित सांगाड्याचा भाग तेथे आढळून न आल्याने पोलिसांनी सध्या मिळालेले हे हाड व मानवी कवटी वैद्यकीय तपासणीसाठी फॉरेन्सिक लॅबला पाठवणार असल्याचे सांगितले असून लॅबचा अहवाल आल्यानंतरच ही कवटी आणि हाड पुरुषाचे आहे की स्त्रीचे, तसेच व्यक्तीचे वय व इतर बाबींचा उलगडा होणार आहे. यासंदर्भात मुलुंड पोलिस अधिक तपास करत आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम