मुंबई (प्रतिनिधी) : राष्ट्रवादी काँग्रेसचे नेते, उपमुख्यमंत्री मा.अजितदादा पवार आणि खासदार सुप्रियाताई सुळे यांच्या उपस्थितीत अभिनेते विजय पाटकर आणि अभिनेत्री सविता मालपेकर यांनी राष्ट्रवादी कांग्रेस पार्टी मध्ये जाहीर प्रवेश केला. अभिनेते विजय पाटकर यांची महाराष्ट्र प्रदेश उपाध्यक्षपदी नियुक्ती करण्यात

आली.तसेच नियामक मंडळाच्या सदस्या अभिनेत्री सविता मालपेकर यांची राष्ट्रवादी चित्रपट सांस्कृतिक विभागाच्या सरचिटणीसपदी नियुक्ती करण्यात आली.यावेळी राष्ट्रवादी काँग्रेसचे प्रदेशाध्यक्ष मा.जयंत पाटील यांच्या हस्ते अभिनेते विजय पाटकर आणि अभिनेत्री सविता मालपेकर यांना नियुक्ती पत्र देण्यात आले. या राष्ट्रवादी काँग्रेसच्या नवनियुक्त पदाधिकाऱ्यांना राजकीय सामाजिक आणि सांस्कृतिक क्षेत्रातील अनेक मान्यवरांनी व नाट्य सिनेकलावंतानी अभिनंदनीय हार्दिक शुभेच्छा दिल्या आहेत.