मुंबई (जीवन तांबे) कांदिवली पश्चिम येथील सह्याद्री नगर परिसरातील इमारत सी -8, खोली क्र. 67 चा स्वयंपाक घरातील छत अचानक कोसळले आहे मात्र कोणतीही जीवित हानी झालेली नाही. 

या परिसरातील इमारतीत अशी पाचवी घटना असल्याने स्थानिकांमध्ये भीतीचे वातावरण पसरलेले आहे. सह्याद्री नगर मध्ये माथाडी कामगारांची सर्वात मोठी व जुनी वसाहत आहे. उपपंतप्रधान यशवंतराव चव्हाण यांच्या यांनी मुख्यमंत्री शरद पवार च्या सहकार्याने माथाडी कामगारांकरिता एकूण 27 एकर जागा दिली होती. दि .4 नोव्हेंबर 1979 रोजी भूमिपूजन करण्यात आलें. 4 व 7 माळ्याच्या 32 इमारतीमध्ये 2154 सदनिका आहेत. इमारतीना 35 वर्ष उलटून गेली आहेत. इमारती जर्जर झाल्या आहेत. गेल्या काही वर्षात सी -1, 3, व 11, तसेच A-2 इमारतीमधील घरांचे स्लॅब कोसळले आहेत. सुदैवाने किरकोळ इजा व्यतिरिक्त मोठी दुर्घटना घडली नाही. मात्र शुक्रवारी मिथुन खक्कर यांच्या घरातील स्वयंपाक घरातील स्लॅब रात्री 7.30 कोसळला,मीना 

खक्कर(60) सुदैवाने बचावल्या. घटनेची बातमी पसरताच संपूर्ण सह्याद्री नगरात भीतीचे वातावरण निर्माण झाले आहे.180 व 225 चौ फूट क्षेत्र फळा च्या  सदनिका असल्याने भविष्यात भीषण घटना घडू शकते. 

प्रतिक्रिया : स्थानिक रहिवाशी तुकाराम सवादेकर 

भिंतीला तडे गेले आहेत. छत कोसळण्याचा घटनांमध्ये वाढ होतं आहे. जीव मुठीत घेऊनच जगावे लागत आहे. 

प्रतिक्रिया : आनंदराव जगताप सचिव  विशाल सह्याद्री हौ. सो. 

इमारती जुन्या झाल्याने मोडकळीस आल्या आहेत. स्लॅब कोसळण्याच्या घटना वाढतच आहेत. सदर नगराचा नियोजन बद्ध पुनर्विकास करणे  गरजेचे आहे.