मुलुंड पोलिसांची कमाल, रिक्षा चोराला एका दिवसात अटक
- by Adarsh Maharashtra
- Aug 30, 2020
- 581 views
मुलुंड :(शेखर भोसले) मुलुंड कॉलनी येथे राहणाऱ्या मुस्ताक रजाक शेख यांची कॉलनी परिसरातील रस्त्यावर उभी केलेली रिक्षा कोण्या अज्ञात चोरटयांनी चोरी केली असल्याची तक्रार त्यांनी मुलुंड पोलिस ठाण्यात शनिवारी नोंदवली असता तक्रार मिळताच पोलिसांनी तपासाची चक्रे फिरवून रिक्षा चोराला अवध्या एका दिवसांत अटक केल्याची कमाल मुलुंड पोलिसांनी केली आहे.
कोरोना काळात पोलिसांचे संख्याबळ कमी पडत असताना देखील मुलुंड कॉलनी येथील रिपाई कार्यालयासमोर पार्क केलेली रिक्षा चोरीस गेल्याची तक्रार मुस्ताक रजाक शेख यांनी मुलुंड पोलिस ठाण्यात करताना पोलिसांनी ताबडतोब सूत्रे हलवून रिक्षा चोराला अटक केली आहे. दिनकर चिंतामण घोडे (वय ३० वर्षे) असे रिक्षा चोरट्याचे नाव असून हा देखील मुलुंड कॉलनी परिसरात राहणारा आहे. त्याच्याकडून पोलिसांनी चोरी केलेली रिक्षा क्र एम.एच.०३ बी एन २७८४ जप्त केली असून पुढील कारवाईसाठी दिनकर घोडेची न्यायालयीन कोठडीत रवानगी करण्यात आली आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम