कॅरेबियन प्रीमियर लीग मध्ये खेळणारा मुलुंडचा ४८ वर्षीय प्रवीण तांबे
- by Adarsh Maharashtra
- Aug 29, 2020
- 1071 views
मुलुंड :(शेखर भोसले) मुलुंडमध्ये राहणारा फिरकी गोलंदाज ४८ वर्षीय प्रवीण तांबे कॅरेबियन प्रीमियर लीग मध्ये खेळणारा पहिलावहिला भारतीय खेळाडू ठरला. सुनिल नारायण जखमी झाल्याने प्रवीण तांबेला किएरॉन पोलार्ड नेतृत्व करत असलेल्या त्रिंबागो नाईट रायडर्सच्या अंतिम संघात खेळण्याची संधी मिळाली.
तांबेने आपले पदार्पण अविस्मरणीय करताना पहिल्याच षटकात विकेट मिळवली. प्रतिस्पर्धी लुसिया झोक्स संघाचा डाव पावसामुळे १८ व्या षटकात थांबवण्यात आल्याने तांबेला एकच षटक गोलंदाजी करता आली. या अगोदर भारताचा १९ वर्षाखालील खेळाडू सनी सोहल कॅरेबियन प्रीमियर लीगमध्ये खेळलेला आहे; परंतु त्यावेळी त्याने अमेरिकेतील राष्ट्रीयत्वाचा पुरावा सादर केला होता.
प्रवीण तांबे ४१ व्या वर्षी २०१३ मध्ये आयपीएल खेळला होता. २०१६ नंतर त्याला आयपीएलमध्ये स्थान मिळालेले नाही. यंदाच्या स्पर्धेसाठी तांबेला कोलकत्ता संघाने आपल्या संघात घेतले होते, परंतु निवृत्ती न जाहीर करता दुबईतील लीगमध्ये आपली नोंदणी करून त्याने बीसीसीआयच्या नियमांचा भंग केला होता.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम