राष्ट्रीय टेबल टेनिसपटू, मुलुंडकर मधुरिका पाटकर हिचे मानाच्या अर्जुन पुरस्कारासाठी नाव घोषित
- by Adarsh Maharashtra
- Aug 23, 2020
- 1384 views
मुलुंड :(शेखर भोसले) शासनाने राष्ट्रीय क्रीडा पुरस्कारांची घोषणा केली असून यात राष्ट्रीय टेबल टेनिसपटू, मुलुंडकर मधुरिका पाटकर हिचे मानाच्या अर्जुन पुरस्कारासाठी नाव घोषित करण्यात आले आहे. मुलुंड पूर्व येथील कपिल किरण सोसायटीत राहणाऱ्या मधूरीका पाटकर-तोरगलकर हिने या पूर्वी राष्ट्रकुल स्पर्धेत भारताला गोल्ड मेडल मिळवून दिले आहे. त्या वेळी तिचा कपिल किरण सोसायटीत मोठा सत्कार करण्यात आला होता. आता तिचे अर्जुन पुरस्कारासाठी नाव जाहीर झाल्याने तिच्या परिवारात, कपिल किरण सोसायटीत व संपूर्ण मुलुंडमध्ये उत्साहाचे वातावरण निर्माण झाले आहे.
मुलुंडकर मधुरिका पाटकर हिचे मानाच्या अर्जुन पुरस्कारासाठी नाव घोषित झाले हीआपल्या मुलुंडकरांसाठी अभिमानाची बाब असून अर्जुन पुरस्कार मिळाल्या बद्दल लवकरच तिचा भव्य सत्कार करण्याचा मानस आहे, असे मत यानिमित्ताने सोसायटीतील रहिवासी सुरेश हळदणकर यांनी व्यक्त केले आहे.
मधुरिका पाटकर हिने गणेश चतुर्थीच्या दरम्यान हा पुरस्कार जाहीर झाल्याने आनंदित झालेल्यामधुरिका पाटकर हिने आपल्या आई-वडिलांना, कोच शैलजा गोहाड यांना याचे श्रेय दिले असून या लोकांनी माझ्यासाठी खूप मेहनत घेतल्याचे सांगितले. तसेच ठाणे जिल्हा असोसिएशन, मुंबई असोसिएशन ओएनजीसी, टीटीएफआय, माझे सर्व कुटुंबिय, मित्रमंडळी, पती ओंकार, जिम प्रशिक्षक, आहार तज्ञ टीम सदस्य व इतर सर्व संबंधितांनी मला घडवण्यात खूप मेहनत घेतली असल्यामुळे या सर्वांचे देखील श्रेय आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम