मिठागर कोविड उपचार केंद्रात श्री गणेशाचे आगमन
- by Adarsh Maharashtra
- Aug 23, 2020
- 666 views
मुलुंड :(शेखर भोसले) मुलुंड पूर्व येथील मिठागर महानगर पालिका शाळेतील कोविड उपचार केंद्रात गणेश चतुर्थीच्या दिवशी गणपतीचे आगमन झाले असून येथे ५ दिवस गणेशोत्सव साजरा करण्यात येणार आहे. या उपचार केंद्रातील डॉक्टर्स, नर्सेस व इतर पॅरामेडिकल स्टाफने पुढाकार घेवून देशातील कोरोनाचा समूळ नायनाट व्हावा या उद्देशाने येथे गणरायाला विराजमान केले आहे.
कोरोनाच्या वाढत्या प्रादुर्भावानिमित्त मार्चमध्ये या केंद्राची पालिकेतर्फे कोरोनाच्या उपचारासाठी स्थापना करण्यात आली. स्थापनेच्या पहिल्याच वर्षी पहिल्यांदाच येथे गणेशोत्सव उत्साहात साजरा करण्यात येत आहे. जगावरचे कोरोनाचे संकट नष्ट होवू दे, पुन्हा एकदा सर्वांना निरोगी, आनंददायी जीवन जगण्याचा आनंद मिळू दे याचसाठी येथे श्री गणरायाला विराजमान केले असून त्यांच्या चमत्काराची प्रचिती जगाला येऊ दे ही प्रार्थना श्री गणेशाला करण्यात आली आहे, असे मत येथील डॉक्टर्स सरिता भिंगे, दिलीप पाटील, अनिकेत चोपडे, नेहा वागळे, सुप्रिया जगदाळे, भरत अहिरे यांनी व्यक्त केले आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम