सौ लक्ष्मीबाई शाळेत अथर्वशीर्षाचे पठण आणि विद्यार्थ्यांसाठी ऑनलाईन पठणाची सोय
- by Adarsh Maharashtra
- Aug 23, 2020
- 506 views
मुलुंड :(शेखर भोसले) मुलुंड पूर्व येथील सौ लक्ष्मीबाई इंग्लिश मिडीयम स्कूलमध्ये प्रतिवर्षी प्रमाणे यंदा दीड दिवसांच्या श्री गणेशाच्या आकर्षक मूर्तीची प्रतिष्ठापना करण्यात आली आहे. प्रत्येक वर्षी गौरी विसर्जनाच्या दिवशी होणारे मूर्तीचे विसर्जन यावर्षी कोरोनामुळे गणेशोत्सवाच्या दुसऱ्या दिवशी शाळेच्या आवारात बनविण्यात आलेल्या कृत्रिम तलावात करण्यात येणार आहे.
श्री गणेशोत्सवाच्या दुसऱ्या दिवशी आज अथर्वशीर्ष पठणाचे आयोजन करण्यात आले होते. प्रत्येक वर्षी अथर्वशीर्ष पठणासाठी मोठया प्रमाणात शाळेचे विद्यार्थी उपस्थित राहायचे परंतु यंदा मात्र शाळेचे संचालक प्रसाद कुलकर्णी यांनी कोरोनाच्या पार्श्वभूमीवर विद्यार्थ्यांच्या सुरक्षिततेसाठी मोजक्या ७ ते ८ विद्यार्थ्यांनाच परवानगी दिली होती आणि बाकीच्या विद्यार्थ्यांसाठी ऑनलाईनची सोय केली होती त्यामुळे या ऑनलाईन अथर्वशीर्ष पठणासाठी साधारण १०० विद्यार्थ्यांनी ऑनलाईन उपस्थिती लावली.
अभिषेक कुलकर्णी यांच्या हस्ते झालेल्या या अथर्वशीर्षाच्या पूजेसमयी शाळेचे संचालक प्रसाद कुलकर्णी, पूजा कुलकर्णी, प्रज्ञा राजोपाध्याय, इतर शिक्षकगण व कर्मचारी वर्ग उपस्थित होता. सुमारे ४५ मिनटे चाललेल्या या कार्यक्रमाच्या वेळी भक्ती भावाच्या वातावरणाची निर्मिती शाळेच्या परिसरात झाली होती
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम