स्वातंत्र्य दिनाचे औचित्य साधत कोरोना योद्ध्यांना आमदार सुनिल राऊत यांच्यातर्फे एक हजार आरोग्य किटचे वाटप
- by Adarsh Maharashtra
- Aug 15, 2020
- 1757 views
मुलुंड :(शेखर भोसले) स्वतःच्या जीवाची पर्वा न करता कोरोनाविरूद्ध लढणाऱ्या विक्रोळी विधानसभा क्षेत्रातील डॉक्टर, पोलिस कर्मचारी, सफाई कर्मचारी या कोरोना योद्धयांना लढण्यासाठी आणखी ताकद मिळावी यासाठी शिवसेनेचे स्थानिक आमदार सुनिल राऊत यांनी एक हजार आरोग्य किटचे वाटप आज स्वातंत्र दिनाच्या दिवशी केले. कांजुर, कन्नमवार नगर आणि सुर्यानगर येथील पोलिस स्टेशनमधील पोलिस कर्मचाऱ्यांना, टागोर नगर येथील डॉ बाबासाहेब आंबेडकर हॉस्पिटलमधील डॉक्टर आणि आरोग्य कर्मचाऱ्यांना तसेच विभागातील सर्व सफाई कामगारांना आरोग्य किटचे वाटप यावेळी करण्यात आले सॅनिटायझर, मास्क, हँन्डग्लोज, फेस शिल्ड, हेड कव्हर अशा कोरोनापासून सरंक्षण करणाऱ्या विविध वस्तूंचा समावेश असणाऱया आरोग्य किटचे वाटप यावेळी करण्यात आले.
याच वेळी भांडूप गावातील विद्यार्थिनी शिवानी दिनेश देसाई हिने प्रतिकुल परिस्थिती वर मात करत ९० टक्के गुण मिळवले, तसेच तिची पुढे डॉक्टर होण्याची इच्छा आहे पण घरची आर्थिक परिस्थिती हलाखीची असल्या मुळे तिचे स्वप्न अर्धवट राहू नये यासाठी तिला संगणक देऊन तिला शिक्षणासाठी सर्वोत्तोपरी मदत करण्याचे आश्वासन आमदार सुनिल राऊत यांनी आज दिले. तसेच तिच्या घराची पडझड झाली आहे त्यामुळे तिला नविन घर बांधून देण्याचे वचन यावेळी आमदार सुनिल राऊत यांनी दिले.
पैशाविना माझ्या मतदारसंघातील हुशार विद्यार्थ्यांचे शिक्षण अर्धावर सुटू नये, यासाठी मी कायम कटिबद्ध आहे, अशा भावना यावेळी आमदार सुनिल राऊत यांनी बोलून दाखवल्या.
दरम्यान संपूर्ण मतदारसंघातील डॉक्टर, पोलिस कर्मचारी, सफाई कर्मचारी या खऱ्याखुऱ्या कोरोना योद्धांना आरोग्य किटचे वाटप करताना नगरसेवक उपेंद्र सावंत, नगरसेविका राजराजेश्वरी रेडकर, उपविभाग प्रमुख चंद्रशेखर जाधव, अनंत पाताडे, सर्व शाखाप्रमुख, आणि शिवसैनिक मोठ्या संख्येने उपस्थित होते.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम