पारंपारिक पद्धतीने पूजन करून दहीहंडी उत्सव भांडुपमध्ये साजरा
- by Adarsh Maharashtra
- Aug 12, 2020
- 1632 views
मुलुंड :(शेखर भोसले) भांडुप विधानसभेत शिवसेना आणि भारतीय जनता पार्टीतर्फे निरनिराळ्या ठिकाणी दरवर्षी दहीहंडी उत्सव मोठया जल्लोषात साजरा करण्यात येतो. ठिकठिकाणी उंचावर बांधलेल्या दहीहंड्या विविध गोविंदा पथकांमार्फत फोडण्यात येतात. परंतु ह्यावर्षी कोरोनाच्या पार्श्वभूमीवर आपली परंपरा व संस्कृती टिकवण्यासाठी शिवसेना व भाजपातर्फे दहीहंडीचे पारंपारिक पद्धतीने पुजन करून दहीहंडी उत्सव साजरा करण्यात आला.
भांडुपचे आमदार रमेश कोरगावकर यांच्या नेतृत्वाखाली शिवसेनेच्या भांडुप येथील मध्यवर्ती कार्यालयात दहीहंडीचे पारंपारिक पद्धतीने पूजन करून बाळगोपाळच्या हस्ते ही हंडी फोडण्यात आली. यावेळी आमदार रमेश कोरगावकर यांच्यासह भांडुपमधील सर्व नगरसेवक, उपविभागप्रमुख, शाखाप्रमुख आणि महिला, पुरुष शिवसैनिक उपस्थित होते.
तर दुसरीकडे भाजपाचे भांडुप मंडळ अध्यक्ष प्रविण दहितुले यांच्या नेतृत्वाखाली आज भांडुपमधील कोकण नगर येथे पारंपारिक पद्धतीने दहीहंडीचे पूजन करून फोडण्यात आली. या दहीहंडीचे वैशिष्ट्य म्हणजे वर उंचावर ही हंडी न बांधता दोन्ही बाजूला कार्यकर्त्यांनी दहीहंडीचा दोरखंड हाताने वर उचलून धरला होता. सुरुवातीला कार्यकर्त्यांनी देवाचे गाऱ्हाणे म्हटले. नंतर विधिवत दहीहंडीची पूजा करण्यात आली आणि नारळ वाढवण्यात आला. पूजा झाल्यावर या उत्सवाची गाणी म्हणत टाळ्या वाजवत आनंद साजरा करण्यात आला आणि तेवढयात गोविंदाने हंडीतील नारळ काढून हंडी फोडली.
कोरोनामुळे अगदी मोजक्या कार्यकर्त्यांच्या उपस्थितीत भांडुप विधानसभा शिवसेना व भाजपाच्या वतीने हा गोपाळकाला उत्सव परंपरा व संस्कृती टिकवण्यासाठी साजरा करण्यात आला.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम