पवईत नैराश्यातून एका १३ वर्षीय तरुणीची आत्महत्या
- by Adarsh Maharashtra
- Aug 10, 2020
- 1192 views
मुलुंड :(शेखर भोसले) पवईतील कॉस्मोपॉलिटन इमारतीत एका १३ वर्षीय तरुणीने नैराश्यातून आत्महत्या केल्याची घटना आज घडली आहे. तरुणीने आत्महत्या करण्यापूर्वी एक सुसाईड नोट सुद्धा लिहून ठेवली आहे. एवढे टोकाचे पाऊल उचलत तिने जीवन संपवल्याने तिच्या कुटुंबाला मानसिक धक्का बसला आहे. यासंदर्भात पवई पोलिसांनी अपमृत्यूची नोंद करून अधिक तपास चालू केला आहे.
यासंदर्भात पोलिसांकडून मिळालेल्या माहितीनुसार लपालीकर कुटुंबीय मुलीच्या शिक्षणासाठी आणि नोकरीच्या निमित्ताने काही वर्षापूर्वीच पुण्यातून मुंबईला पवई येथील म्हाडाच्या कॉस्मोपॉलिटन इमारतीत राहण्यासाठी आले होते. या फ्लॅटच्या दुरुस्तीचे काम सुरू असल्याने सध्या हे कुटुंब विलेपार्ले भागात राहत आहेत. शुक्रवारी आपल्या कार्यालयीन कामानिमित्त लपालीकर हिरानंदनी भागात आले होते यावेळी त्यांची १३ वर्षीय मुलगी अनन्या हीसुद्धा त्यांच्या सोबत आली होती. मुलीला आपल्या पवई येथील फ्लॅट वर सोडल्यानंतर ते हिरानंदानी येथील कार्यालयात निघून गेले.
माझी पत्नी मुलीला सतत फोन करत होती मात्र मुलगी फोन उचलत नसल्याने तिने मला फोन करून 'मुलगी फोन उचलत नाहीये, घरी जाऊन बघा' असे सांगितल्याने मी घरी जाऊन आपल्याकडील चावीने दरवाजा उघडून पाहिला असता बेडरूममध्ये छताला असणाऱ्या हुकला ओढणीने गळफास लावून तिने फाशी घेतल्याचे मला आढळून आले, असे पोलिसांना दिलेल्या जबाबात लपालीकर यांनी म्हटले आहे.
आम्ही घरी गेलो तेव्हा मुलीला उचलून बेडवर ठेवले होते तिला हिरानंदानी रुग्णालयात नेण्यात आले असता डॉक्टरांनी तिला दाखल करण्यापूर्वीच मृत्यू झाला असल्याचे घोषित केले. चौकशीत आम्हाला मुलगी अभ्यासात खूप हुशार होतीे. विलेपार्ले येथील एका नामांकित विद्यालयात सध्या तिचे शिक्षण सुरू होते. बीएआरसी येथे तिचे सिलेक्शन झाले होते. अंधेरी येथील अलाईन इन्स्टिट्यूटमध्ये सुद्धा ती प्रशिक्षण घेत होती, मात्र सध्या कोरोनाच्या पार्श्वभूमीवर ते बंद होते, असे याबाबत अधिक माहिती देताना पोलिसांनी सांगितले.
आत्महत्या केलेल्या ठिकाणावरून आम्हाला मुलीची इंग्रजी भाषेत लिहिलेली सुसाईड नोट मिळाली असून आपल्या आई-वडिलांना उद्देशून तिने ही नोट लिहिली आहे. अभ्यासात मुलगी खूपच हुशार होती, तिने मानसिक तणावातून आत्महत्या केली असल्याचे समोर येत आहे असे यावेळी बोलताना पवई पोलीस ठाण्याच्या वरिष्ठ पोलिस अधिकाऱयांनी सांगितले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम