अलिबाग (प्रतिनिधी) : नुकताच इयत्ता दहावी महाराष्ट्र राज्य शिक्षण  मंडळाचा निकाल जाहीर झाला . यावर्षी श्री.दिनाभाई मोरे शिक्षणसंस्था सानेगावं  संचलित सर्वोदय विद्यालय सुडकोली ता. अलिबाग च्या विद्यार्थ्यांनी या परीक्षेत नेत्रदीपक यश मिळविले व श्री.दिनाभाई मोरे शिक्षणसंस्थेत प्रथम, द्वितीय व तृतीय क्रमांकाचे मानकरी ठरले . विद्यालयाचा निकाल १००% लागला असून कुमारी प्रणिता हरिदास पाटील ८९.२०%  प्रथम,  कुमारी वैष्णवी विलास पाटील ८८.४०%  द्वितीय तर कु.ओम काशिनाथ पाटील ८७.८०% व कु.तन्मय दत्ताराम पाटील ८७.८०% यांनी  तृतीय येण्याचा मान पटकावला.
 
संस्थेचे अध्यक्ष मा.श्री.नंदकुमार ना .म्हात्रे, उपाध्यक्ष मा.श्री.जीवनशेठ बा.पाटील , सचिव मा.श्री. मनोहर ज. मोरे, खजिनदार मा.श्री मोहनशेठ जा. ठाकूर, कायदेविषयक सल्लागार मा.श्री. अँड.विवेक दि. मोरे ,संस्थेचे ज्येष्ठ संचालक मा. श्री. अनंतराव हि. पाटील ,सर्वोदय विद्यालय सुडकोली चे अध्यक्ष मा.श्री जनार्दन रा. ठाकूर  ,खजिनदार मा. श्री दत्ताराम ठाकूर,  ज्येष्ठ संचालक मा.श्री शंकरराव ना. तांबडकर ,सर्वोदय विद्यालय सुडकोलीचे सर्व संचालक ग्रामस्थ व शिक्षणप्रेमी यांनी विद्यालयाचे  प्रभारी मुख्याध्यापक श्री. शिंदे संजीव चंद्रकांत गुणवंत  विद्यार्थी, शिक्षक व शिक्षकेतर कर्मचारी यांचे अभिनंदन केले .