मुंबई(ओंमकार शिरवडकर) - महापालिका "बी" विभागात अंदाजे ५०हून अधिक सार्वजनिक गणेशोत्सव मंडळे कार्यरत आहेत. यंदाचा गणेशोत्सव जवळ आला असताही पालिका बी विभा प्रशासनाने प्रभागातील गणेशोत्सव मंडळांना पुरविण्यात येणाऱ्या सुविधांबद्दल तसेच मंडळाच्या समस्यांबाबत विचारविनिमय करण्याबाबत कोणतीच भुमिका घेतलेली दिसत नाही त्यामुळे गणेशोस्तव मंडळां मध्ये संताप व्यक्त केला जात आहे.

प्रभागात नवरोजी हिल रोड११डी,अँड.सुर्वे मार्ग,केशवजी नाईक रोड,नरसी नाथा स्ट्रीट,माधवराव रोकडे मार्ग,मृदंगाचार्य कोळी मार्ग,काझी सैय्यद स्ट्रीट, व्ही.व्ही.चंदन स्ट्रीट, रघुनाथ महाराज स्ट्रीट, सँम्युआल स्ट्रीट,सूरत स्ट्रीट,देवशी रतनशी मार्ग,साखर गल्ली तंबाखू गल्ली,क्लाईव्ह रोड,दानाबंदर परिसरात मोठ्या प्रमाणात सार्वजनिक गणेशोत्सव साजरा केला जातो. तसेच घरगुती गणेश प्रतिष्ठापणाही मोठ्या प्रमाणात प्रभागात केली जाते.

कोरोनाची परिस्थिती असल्याने साधेपणाने गणेशोत्सव साजरा जरी होत असला तरी गणेशोत्सव साजरा होणारी ठिकाणे उत्सवा आधी-स्वच्छ करणे,वॉटरटेबल स्वच्छ करणे,झाडांच्या फांद्या तोडणे,नादुरुस्त रस्ते-पदपथ दुरूस्त करणे,गटार चेंबर स्वच्छ करणे,उत्सव काळात रात्रीच्या वेळी पालिका कर्मचाऱ्यांची कुमक ठेवणे, गणेश विसर्जना करता जागोजागी कृत्रिम तलाव निर्माण करणे आदी सुविधांबद्दल मार्गदर्शन करणे ही पालिकेची जबाबदारी असताही त्याकडे दुर्लक्ष होत असल्याची भावना गणेशभक्तां मध्ये निर्माण झाली आहे.

एैनवेळी एखादी समस्या निर्माण होऊ नये याकरता पालिका बी विभागाचे सहाय्यक आयुक्त आर्तेसाहेब यांनी प्रभागातील सर्व गणेशमंडळांना निमंत्रित करून त्यांच्या समस्या जाणून त्या समस्यांचे निरसण करावे असे मत गणसेवक पुरस्काराने सन्मानित दीपक शिरवडकर ,दै आदर्श महाराष्ट्राचे संपादक रघुनाथ ढेकळे,मुंबादेवी तालुका राष्ट्रवादीचे अध्यक्ष प्रविण ठाकूर,गणेश मंडळाचे प्रतिनिधी झपट सिंह यानी व्यक्त केले आहे