गावदेवीच्या शारदा मंदिर हायस्कुलचे दैदिप्यमान यश
- by Adarsh Maharashtra
- Jul 29, 2020
- 1565 views
मुंबई : गावदेवी येथील लोढा फाउंडेशन संचालित शारदा मंदिर हायस्कुलच्या दहावीच्या विद्यार्थ्यांनी दैदिप्यमान यश मिळवले असून शाळेच्या 6 विद्यार्थ्यांनी 95 टक्क्यांपेक्षा अधिक गुण मिळवले आहेत. तर तब्बल 65 विद्यार्थ्यांनी डिस्टिंक्शन (75 टक्के पेक्षा अधिक गुण) मिळविले आहे. तीन विद्यार्थ्यांनी 70 टक्केपेक्षा अधिक गुण मिळवले आहेत. शाळेचा एकूण निकाल शंभर टक्के लागला आहे. शाळेच्या या यशाबद्दल पालकांनी तसेच शाळेच्या व्यवस्थापनाने आणि अध्यक्ष श्री.मंगलप्रभात लोढा व संचालिका श्रीमती मंजू मंगलप्रभात लोढा यांनी आनंद व्यक्त केला आहे. शारदा मंदिर हायस्कुलमध्ये नवीन व्यवस्थापन आल्यानंतर ही दहावीची तिसरी तुकडी (बॅच) असून सलग तीनही तुकड्यांनी असेच दैदिप्यमान यश संपादन केलेले आहे.
कु. नमन शाह – 97.20 %
कुमारी सप्तमी सोमैय्या – 96.60 %
कु. मीत सोनी – 96.40 %
कु. कुणाल बेलवलकर – 95.20 %
कु. ऋषी शाह – 95.20 %
कु. जश मेहता – 95.00 %
गावदेवीच्या शारदामंदिर शाळेच्या या यशाचे श्रेय शिक्षक आणि कर्मचाऱ्यांचे समर्पण आणि विद्यार्थ्यांच्या मेहनतीला असल्याचे व्यवस्थापनाने म्हटले आहे. विद्यार्थ्यांच्या यशाचे वेगळे काही रहस्य नसून नियमित अभ्यास, मेहनतीचे सातत्य आणि अभ्यासात एकाग्रता यामुळे हे यश साध्य झाल्याचे शाळेच्या व्यवस्थापनाने सांगितले. विद्यार्थ्यांनी आयुष्यात मोठे यश मिळवावे म्हणून शाळा विद्यार्थ्यांवर नियमित मेहनत घेत असते असेही व्यवस्थापनाने सांगितले. सर्व यशस्वी विद्यार्थ्यांचे अध्यक्ष श्री.मंगलप्रभात लोढा व श्रीमती मंजू मंगलप्रभात लोढा यांनी तसेच शारदा मंदिर शाळेच्या व्यवस्थापनाने, सर्व संचालकांनी आणि लोढा फाऊंडेशनने अभिनंदन केले आहे
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम