उद्या जाहीर होणार दहावीचा निकाल, दुपारी 1 वाजता ऑनलाईन पाहता येणार
- by Adarsh Maharashtra
- Jul 28, 2020
- 579 views
मुंबई : मार्च 2020 मध्ये घेण्यात आलेल्या माध्यमिक शालान्त प्रमाणपत्र परीक्षेचा म्हणजेच इयत्ता दहावीचा निकाल उद्या जाहीर होणार आहे. हा निकाल मंडळाच्या कार्यपद्धतीनुसार जाहीर केला जाणार असल्याची माहिती देण्यात आली आहे. SSC Result 2020 या संकेत स्थळावर निकाल पाहता येणार आहे.
मुंबई, पुणे, औरंगाबाद, नागपूर, अमरावती, लातूर, नाशिक, कोल्हापूर व कोकण या नऊ विभागीय मंडळामार्फत घेण्यात आलेल्या इयत्ता दहावीच्या परीक्षेचा निकाल उद्या अधिकृत संकेतस्थळावर उद्या बुधवार 29 जुलै रोजी दुपारी 1 वाजता ऑनलाईन जाहीर होईल. www.mahresult.nic.in या संकेतस्थळावर विद्यार्थ्यांच्या निकालासोबतच सर्व माहिती उपलब्ध असणार आहे.
या तीन वेबसाइटवर पाहता येणार निकाल
www.mahresult.nic.in
www.sscresult.mkcl.org
www.maharashtraeduction.com
दहावीची परीक्षा ही 3 मार्च 2020 ते 23 मार्च 2020 दरम्यान घेण्यात आली. याच काळात कोरोनाचा प्रादुर्भाव वाढला. यामुळे सरकारने दहावीचा शेवटचा पेपर रद्द करण्याचा निर्णय घेतला होता. 2020 मध्ये दहावीच्या परीक्षेसाठी राज्यात 17 लाख 65 हजार 898 विद्यार्थ्यी बसले होते. यामध्ये 9 लाख 75 हजार 894 विद्यार्थी, तर 7 लाख 89 हजार 898 विद्यार्थिनी परिक्षेत बसल्या होत्या.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम