कारटेप चोरीप्रकरणी चार आरोपींना मुलुंड पोलिसांनी केले अटक
- by Adarsh Maharashtra
- Jul 25, 2020
- 839 views
मुलुंड:(शेखर चंद्रकांत भोसले) गेल्या आठवड्यात मुलुंड पश्चिमेला रस्त्याच्या कडेला पार्क केलेल्या एका गाडीतून कारटेप चोरी झाल्याच्या गुन्ह्याचा तपास लागला असून या प्रकरणी चार आरोपींना मानखुर्द येथून मुलुंड पोलिसांनी अटक केली आहे. अटक केलेल्या चौघांची पोलिसांनी कसून चौकशी केली असता या चौघांना गाणे ऐकण्याची आवड असल्याने त्यानी या कार टेपची चोरी केल्याची कबुली दिली आहे.
मुलुंड पोलिसांनी दिलेल्या माहितीनुसार रविवारी 12 तारखेला मुलुंड पश्चिमेकडील मुरार रोडवर रस्त्याच्या कडेला उभ्या असलेल्या कारच्या खिडकीची काच फोडून गाडीतील महागडा कारटेप चोरून आरोपी पसार झाले होते. या गुन्ह्यात चार आरोपींचा समावेश असून गाण्याच्या शौकामुळे गाणी ऐकण्यासाठी त्यांनी ही चोरी केली असल्याचे आरोपींनी दिलेल्या जबानीत म्हटले आहे. मफाजूर रहमान (वय वर्षे 30), आमिरूल दफादार (25), रमजान शेख (25) आणि अकबर शेख (25) अशी या आरोपींची नावे आहेत. टेम्पोतून बाहेर येवून मफाजूर शेखने या गाडीची काच फोडली तर त्याच्या इतर तीन साथीदारांनी आजूबाजूला लक्ष ठेवण्याचे काम केले. ही संपूर्ण घटना तेथील एका सीसीटीवी केमेरात कैद झाली होती.
सोशियल मीडिया वर सीसीटीवीचे फुटेज वायरल झाल्याने अनेकांनी या टेंपोला व या चोरांना मुलुंड परिसरात पाहिले होते. त्याच आधारे मुलुंड पोलीसांनी तात्काळ या चोरीचा तपास लावत आरोपींना अटक केली तसेच महागडा कारटेप देखील या चोरांकडून हस्तगत केला. वरिष्ठ पोलिस निरीक्षक रवी सरदेसाई यांच्या मार्गदर्शनाखाली सहाय्यक पोलिस निरीक्षक कांबळे, अविनाश पोरे, पोलिस उपनिरीक्षक हर्षद पाटील आणि डिटेक्शन टीमच्या सहाय्याने या गुन्ह्याचा तपास करून आरोपींना मुद्देमालासकट अटक केली.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम