मुंबई दि. 25 (जीवन तांबे)निब्बाण शैक्षणिक आणि सामाजिक ट्रस्ट ( नेस्ट)व डॉ. योगेश भालेराव यांच्या संयुक्त विद्यमाने पोलीस, पालिका कर्मचारी व पत्रकार व वृत्तपत्र वितरण व वितरक यांच्या करिता आरोग्य शिबीर आज चेंबूर येथील रघुनाथ शिसोदे पालिका सभागृहात घेण्यात आले होते.झेब्रा फाऊंडेशन अध्यक्ष आशिष गडकरी व भाजप नेते अनिल ठाकूर यांच्या हस्ते या शिबिराचे उदघाटन करण्यात आले.यावेळी गोवंडी पोलीस ठाण्याचे वरिष्ठ पोलीस निरीक्षक बाळासाहेब केदारे, चेंबूर पोलीस ठाण्याचे पोलीस निरीक्षक एच. जतकर, माजी नगरसेवक किसन मेस्त्री, समाजसेवक धनंजय मेश्राम, ऍड. वैभव जाधव, मटाचे वितरण व्यवस्थापक नरेश सावंत, हेमंत माचीवले, जेष्ठ पत्रकार आनंद श्रीवास्तव, डॉ. योगेश भालेराव, पालिका युनियनचे सचिव संदीप मोते हे मान्यवर उपस्थित होते. यांनी उपस्थितांना मोलाचे मार्गदर्शन केले.नेस्टच्या अध्यक्षा स्वानंदी तांबे यांनी या मान्यवरांचे  स्वागत केले.यावेळी उत्तम दर्जाचे हॅन्डग्लोज, मास्क, सॅनीटाईझर, आर्सनीक गोळ्या सॅनीटाईझर स्प्रे वाटप केले.

यावेळी दोनशे पेक्षा अधिक पोलीस, पालिका कर्मचारी, पत्रकार, विविध वृत्तपत्र कंपनीचे वितरण अधिकारी, वितरक यांनी आरोग्य तपासणीचा लाभ घेतला.  या कार्यकर्माचे सूत्रसंचालन ऍड. हरेश तांबे यांनी केले.

या कार्यक्रमाला समाज सेवक विशाल गायकवाड, उदय कांबळे, सचिन तांबे, अक्षय कदम व सहयोग कदम यांनी मोलाचे सहकार्य केले.