डोंबिवली (श्रीराम कांदू )  : रुग्णांकडून लाखो रुपयांची बिले उकळणाऱ्या हॉस्पिटल विरोधात तक्रारी प्राप्त झाल्यानंतर केडीएमसी ने कारवाईचा बडगा उगारला आहे. डोंबिवलीतील एक हॉस्पिटलवर  केडीएमसीने कारवाईचा बडगा उगारला. ऑप्टिलाईफ हॉस्पिटलकडून    3 लाख 36 हजार रुपये अधिक आकारलेले बिल पालिकेने वसूल करून त्या रुग्णाला परत मिळून दिले आहे   तसेच महापालिकेच्या  24 खाजगी कोविड रुग्णालयात पालिके कडून एक कर्मचारी नियुक्त केला असून, रुग्णाला डिसचार्ज करतेवेळी रुग्णालया कडून आकारण्यात येणा-या बिलाची पडताळणी करणार आहे अशी माहिती पालिका प्रशासनाकडून देण्यात आली.

महापालिका क्षेत्रातील 24 खाजगी रुग्‍णालये कोविड रुग्‍णांचा उपचाराकरीता उपलब्ध झाली आहेत.  खाजगी रूग्णालयांनी  शासनाने निश्चित केलेल्या दरानुसारच बिले आकारावीत, असे महापालिकेने सर्व रूग्णालयांना निर्देश दिले आहेत. मात्र तरीसुद्धा काही रुग्णालयाकडून अव्वाच्या सव्वा बिल आकारीत असल्याच्या तक्रारी पालिकेकडे प्राप्त झाल्यानंतर पालिकेने कल्याणात ए अँड जी हॉस्पिटल आणि डोंबिवलीतील ऑप्टिलाईफ हॉस्पिटल रुग्णालय यांच्यासह आणखी तीन रुग्णालया संबंधी  पालिकेकडे तक्रारी प्राप्त झाल्या होत्या त्यानुसार पालिकेने त्यांना कारणे दाखवा नोटिस बजावली होती. मात्र डोंबिवलीतील ऑप्टिलाईफ हॉस्पिटलने  एका रूग्णाकडून रु. 4,81,000/- इतक्या रक्कमेचे बीलाची आकारणी केली असल्याचे महापालिकेच्या भरारी पथकाच्या निदर्शनात आल्यानंतर पथकाने सदर रक्कमेपैकी रु.3,36,900/- इतकी रक्कम सदर रूग्णालयाकडून वसूल करून रूग्णास परत केली‍ आहे.