शरद पवारांविरोधात आक्षेपार्ह पोस्ट, पोलीस पाटलासह व्हॉट्सअ‍ॅप ग्रुप अ‍ॅडमिनवर गुन्हा दाखल
- by Adarsh Maharashtra
- Jul 20, 2020
- 1878 views
मनमाड : राष्ट्रवादी काँग्रेसचे अध्यक्ष शरद पवार यांच्याबद्दल व्हॉट्सअ‍ॅप ग्रुपवर गलिच्छ भाषेत आक्षेपार्ह मजकूर टाकल्याबद्दल दोघांवर गुन्हा दाखल करण्यात आला आहे. यामध्ये व्हॉट्सअ‍ॅप ग्रुप अ‍ॅडमिन आणि ग्रुपमधील सदस्याचा समावेश आहे.
ही घटना मनमाड येथील चांदवड तालुक्या तील देवरगाव येथे घडली आहे. या घटनेमुळे स्थानिक राष्ट्रवादीच्या पदाधिकाऱ्यांनी संताप व्यक्त केला आहे. गलिच्छ भाषेत आक्षेपार्ह मजकूर टाकल्यामुळे देवरगावच्या पोलिस पाटलासह ग्रुप अ‍ॅडमिनवर गुन्हा दाखल केला आहे. माणिक संपत शिंदे असे पोलिस पाटलाचे नाव आहे. तर कमलाकर शिंदे असे ग्रुप अ‍ॅडमिनचे नाव आहे. माणिक शिंदे यांनी एका व्हॉट्सअ‍प ग्रुपवर पवारांबद्दल गलिच्छ भाषेत मजकूर टाकला होता, असा आरोप त्यांच्यावर करण्यात आला आहे. त्यानंतर या ग्रुपमधील काही लोकांनी या घटनेचा निषेध केला. तसेच या विरोधात चांदवड तालुक्याचे राष्ट्रवादीचे उपाध्यक्ष दीपक शिंदे यांनी दिलेल्या फिर्यादीवरून वडणेर भैरव पोलिस ठाण्यात आरोपींविरोधात गुन्हा दाखल करण्यात आला आहे. या प्रकरणानंतर राष्ट्रवादीच्या स्थानिक पदाधिकाऱ्यांनी पोलिस पाटील माणिक शिंदेला निलंबित करा, अशी मागणी केली आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम