मुलुंडमधील मिठाईचे दुकान चोरट्यांनी फोडले
- by Adarsh Maharashtra
- Jul 20, 2020
- 1001 views
मुलुंड :(शेखर चंद्रकांत भोसले) मुलुंड पूर्वेकडील लोकमान्य टिळक रोड वर असलेल्या गाला फूड कॉर्नर या मिठाईच्या दुकानात घुसून चोरट्यांनी ३५ हजारांचा मुद्देमाल चोरल्याची घटना समोर आली आहे. रात्रीच्या वेळी अंधाराचा फायदा घेत मागच्या बाजूच्या दरवाज्यातून शिरून चोरट्यांनी बंद दुकानात प्रवेश केला आणि आतील माल लंपास केला.
रात्री दुकानाचे मालक आणि कामगार दुकान बंद करुन निघून गेले. त्यानंतर दुकानाच्या मागच्या बाजूस असलेला गेट तोडून दुकानाची काच फोडून अज्ञात चोरट्यांनी दुकानात प्रवेश केला. दुकानातील रोख रक्कम, मिठाई आणि ड्रायफ्रूट्स मिळून ३५ हजारांहून अधिक किंमतीचा माल लूटारुंनी चोरला. सकाळी नेहमीप्रमाणे दुकान मालक दुकान उघडण्यासाठी आला असता त्यांना ही गोष्ट लक्षात आली. मालकाने लगेच नवघर पोलिसांना चोरीची माहिती दिली. नवघर पोलिसांनी घटनास्थळी पोहचून घटनेचा पंचनामा करुन अज्ञात चोरट्यांवर चोरीचा गुन्हा दाखल केला आहे व पोलिस अधिक तपास करीत आहेत.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम