"मराठमोळं मुलुंड" ने दूरचित्र संवाद व्यासपीठावर, लघु उद्योजकांच्या यादीचे केले लोकार्पण.....
- by Adarsh Maharashtra
- Jul 19, 2020
- 1118 views
मुलुंड :(शेखर चंद्रकांत भोसले) मुलुंड मधील सुप्रसिध्द "मराठमोळं मुलुंड" संस्थेने रविवार दिनांक १९ जुलै २०२० रोजी, दूरचित्र संवाद (वेबनार) व्यासपीठवर मुलुंडमधील लघुउद्योजकांंच्या सूचीचे लोकार्पण केले. सदर लोकोपयोगी लघु उद्योजकांच्या सूचीचे लोकार्पण प्रख्यात उद्योगपती शंतनुराव भडकमकर यांच्या हस्ते संस्थेच्या संकेतस्थळावर (वेबसाईटवर) करण्यात आले. याप्रसंगी संस्थेचे सल्लागार सदस्य दै नवशक्तीचे संपादक सुकृत खांडेकर, मराठी पत्रकार संघाचे माजी अध्यक्ष कुमार कदम, राजकिय विश्लेषक पत्रकार प्रकाश बाळ जोशी, संस्थेचे अध्यक्ष हेंमंत मोरे, कार्याध्यक्ष महेश चव्हाण, मार्गदर्शक मिहीर सर तसेच बहूसंख्येने संस्थेचे पदाधिकारी व सदस्य उपस्थित होते.
सूचीतील उद्योजक सदस्य व मराठमोळं मुलुंड संस्था किंवा संस्थेतील सभासद यांचा लिस्टमधील उद्योजकांशी थेट संबंध नाही आहे, त्यांची मुलुंड मध्ये पब्लिसिटी होऊन त्यांना त्यांच्या उद्योगामध्ये नवीन कामे मिळावी या प्रामाणिक इच्छेने तयार केलेली ही सूची तयार करण्यात आली आहे.
कार्यक्रमाच्या सुरूवातीला कार्याध्यक्ष महेश चव्हाण यांनी सर्वांचे स्वागत केले आणि संस्थेबाबत माहीती दिली. त्यानंतर संस्थेच्या विश्वस्त पद्मा प्रधान यांनी कार्यकारणीतील बदल आणि संस्थेच्या पुढील वाटचालीची माहीती दिली. संस्थेचे अध्यक्ष हेमंत मोरे यांनी, लोकार्पण केलेल्या लघुउद्योजकांच्या सूचीच्या संकल्पनेविषयी आणि ती प्रत्यक्षात बनविण्यासाठी ज्या सभासदांनी मेहनत घेतली त्याविषयी सविस्तर माहीती दिली. सदस्या प्राची सोमण यांनी पाहूण्यांची ओळख करून दिली. सल्लागार पत्रकार प्रकाश बाळ जोशी आणि कुमार कदम यांनी मार्गदर्शन केले. उद्योगपती शंतनु भडकमकर यांच्या हस्ते लघुउद्योजकांच्या सूचीचे लोकार्पण करण्यात आल्यानंतर त्यांनी संस्थेला मोलाचे मार्गदर्शन केले. शेवटी ज्योती देशपांडे यांनी कार्यक्रमाचे आभारप्रदर्शन केले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम