फोर्ट येथील रहिवाशी इमारतीची एक बाजू कोसळली, दोघांचा मृत्यू, मुख्यमंत्री घटनास्थळी
- by Adarsh Maharashtra
- Jul 16, 2020
- 584 views
मुंबई, 16 जुलै: मुंबईतील फोर्ट भागातील GPO पोस्ट ऑफिस समोरील पाच मजली 'भानुशाली' बिल्डिंगची एक बाजू कोसळून झालेल्या भीषण दुर्घटनेत दोघांचा मृत्यू झाला आहे. तर दोघे जखमी झाले आहेत. मात्र, आणखी काही जण ढिगाऱ्याखाली उडकल्याची भीती व्यक्त केली जात आहे. अग्निशमन दलाच्या 14 गाड्या आणि पोलिस घटनास्थळी दाखल झाले आहेत. घटनेची भीषणता लक्षात घेवून मुख्यमंत्री उद्धव ठाकरे घटनास्थळी पोहोचले आहेत.
मिळालेली माहिती अशी की, गुरूवारी संध्याकाळी पावणे पाचच्या सुमारास इमारतीचा काही भाग कोसळला. या दुर्घटनेत दोघांचा मृत्यू झाला आहे. तर दोन जणांवर जे.जे. रुग्णालयात उपचार सुरू आहेत. ही इमारत धोकादायक होती, तिला नोटीसही बजावण्यात आली होती, अशी माहिती समोर आहे. दुर्घटनाग्रस्त इमारत ही रहिवाशी आणि व्यावसायिक आहे. दुर्घटना घडली तेव्हा इमारतीत 20 जण असण्याचा अंदाज वर्तवण्यात येत आहे .
भानुशाली ही इमारत पाच मजली आहे. गुरुवारी याच इमारतीचा जवळपास 40 टक्के भाग कोसळला. मुंबईत गेल्या तीन दिवसापासून जोरदार पाऊस कोसळत आहे. दरम्यान, इमारत कोसळण्याची गुरुवारी दिवसभरातील ही दुसरी घटना आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम