कोरोना रोखण्याकरिता चेंबूर घाटले गावांत सात दिवसाचा लोकडॉऊन
- by Adarsh Maharashtra
- Jul 16, 2020
- 1622 views
मुंबई.दि,16 ( जीवन तांबे )चेंबूर येथील एम पश्चिम विभागात असलेल्या घाटले गावात कोरोना रुग्णांची संख्या दिवसेंदिवस वाढत आहे. या कोरोना रुग्णाची संख्या कमी करण्याकरिता गावातील नागरिकांनी सात दिवस लॉकडाउन पाळण्याचा निर्णय घेतला आहे.
चेंबूर पालिका एम पश्चिम विभागात कोरोना रुग्णांनाची संख्या 2500 पेक्षा अधिक झाली आहे.
पी.एल लोखंडे मार्गावरील महात्मा फुले नगर, वाशीनाका, माहुल, आनंद नगर, घाटले गांव अन्य ठिकाणी सुरुवातीला कोरोना बाधित रुग्ण मोठ्या प्रमाणात आढळत होते. सध्या या एम पश्चिम विभागात सुरुवातीच्या तुलनेने आत्ता रुग्ण वाढीचा वेग मंदावला आहे. मात्र चेंबूर येथील काही परिसरांमध्ये पुन्हा कोरोनाचे रुग्ण आढळत होते. घाटले गावात कोरोना रुग्णांची संख्या अत्यंत कमी होती. मात्र मागच्या पंधरा दिवसांमध्ये अचानकपणे घाटले गावातील कोरोना बाधितांची संख्या वाढू लागली आहे. हेच लक्षात घेऊन लोकांमध्ये जनजागृती निर्माण करण्याकरिता घाटले ग्राम आगरी समाज ट्रस्टचे अध्यक्ष अनिल ठाकूर व कोरोना निर्मूलन समिती व नगरसेवक अनिल पाटणकर व गोवंडी पोलीस यांनी निर्णय घेऊन घाटले गावातील कोरोनाचा संसर्ग रोखता यावा यासाठीच सात दिवस लॉकडाऊन पाळला गेला आहे. येत्या रविवार पर्यंत हा लॉकडाउन चालणार असून यामध्ये अत्यावश्यक सेवेची दुकाने वगळता सगळीकडे बंद पाळण्यात येणार आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम