डोंबिवली (श्रीराम खंडू) : कल्याणातील एका खासगी रूग्णालयाच्या गलथान कारभारामुळे कोवीड रिपोर्ट निगेटिव्ह असणाऱ्या  महिलेला  कोवीड पॉझिटिव्ह असल्याचे सांगुन आर्थिक फायद्यासाठी  महागडा कोवीड उपचार सुरू करुन रुग्णांच्या जिवाशी खेळण्याचा धक्कादायक प्रकार समोर  आला आहे. तर या प्रकारानंतर दोन खासगी हॉस्पिटल आणि लॅबने एकमेकांकडे बोट दाखवत जवाबदारी झटकली आहे. याप्रकरणी दोषी असलेल्या दोन्ही  हॉस्पिटल आणि लॅबविरोधात कठोर कारवाई करण्याची मागणी सदर रुग्णाच्या नातेवाईकांनी केली आहे.

कल्याण पश्चिमेतील आधारवाडी येथे राहणारे अजय सावंत यांची बहीण नीता सावंत हिला बरे वाटत नसल्याने ३  जुलै रोजी सिटी क्रिटीकेअर या खासगी  हॉस्पिटलमध्ये दाखल केले. त्यानंतर ४ जुलै रोजी कोवीड चाचणी करण्यात आली. ५ जुलै रोजी कोवीड चाचणी रिपोर्ट पॉझिटिव्ह आल्याचे सांगत रूग्ण नीताला तातडीने  कल्याण पश्चिमेतील ए अँन्ड जी या कोवीड रूग्णालयात नेण्यास सांगितले. येथील डॉकटरच्या सल्लानुसार  नीताला ए अँन्ड जी रूग्णालयात दाखल केले. या रुग्नालयात  ४५ हजार किमंतीचे इंजेक्शन आणण्यासाठी नातेवाईकांना सांगितले. मात्र कल्याणात इंजेक्शन उपलब्ध होत नसल्याने मोठ्या कसरतीने मुंबईहुन आणले. ते इंजेक्शन नीता हिस् दिल्यानंतर ३५ हजार किमंतीची ६ इंजेक्शन आणण्यास सांगितले. ते  देखील मोठी तारेवरची कसरत करून नातेवाईकांनी उपलब्ध करून दिली.

यानंतर रूग्णालयाने पुन्हा ४५ हजार रुपयांचे  इंजेक्शन आणण्यास सांगितले. ते आणण्यासाठी मेडिकलवाल्याने कोवीड रिपोर्ट लागत असल्याचे सांगितल्याने  ए अँन्ड जी या रुग्णालयाकडुन डॉक्टरने लिहून देलेल्या औषधाची झेरोक्स प्रत  दिली  असता झेरॉक्सची प्रत पाहता मेडिकलवाल्याने हा रिपोर्ट अजय यांची बहीण नीता हिचा नसल्याचे निदर्शनास आणून दिले.  तो रिपोर्ट नीता सावंत नामक ४५ वर्षीय  दुसऱ्या महिलेचा  असल्याचे सांगितले. वास्तविक अजय सावंत यांची बहीण नीता हिला  प्लेटलेट कमी असल्याच्या उपचारार्थ मीरा रुग्णालयात दाखल केले असुन त्यांची प्रकुती स्थिर आहे.

कोवीड उपचारला सामोरे नेणाऱ्या  कोवीड चाचणी करणारी इंफेक्स्न लँब्, सिटी क्रिटीकेअर हाँस्पिटल, आणि ए अँन्ड जी हाँस्पिटलमुळे रूग्णांच्या जिवाशी खेळणारा प्रकार हा आर्थिक फायद्यासाठी व पैशाच्या हव्यासापोटी करीत रुग्णाची फसवणूक, मन:स्ताप केला गेल्याने फसवेगिरी करणाऱ्यावर फौजदारी गुन्हा दाखल करीत,  इंफेक्स्न लँब्, सिटी क्रिटीकेअर हाँस्पिटल, ए अँन्ड जी हाँस्पिटल यांचा परवाना रद्द करावा अशी मागणी अजय सावंत यांनी  आरोग्य मंत्री राजेश टोपे,  केडीएमसी आयुक्त,  पोलीस आयुक्त,   पोलीस उप आयुक्त, वैघकीय आधिकारी क.डो.म.पा. यांच्याकडे निवेदनाद्वारे केली आहे. तर सिटी क्रिटिकेयर रुग्णालय प्रशासनाने मात्र आम्ही त्यांच्यांवर योग्य ते उपचार केले त्यानंतर लॅबकडून आलेल्या रिपोर्टनुसार त्यांना उपचारासाठी कोव्हिडं रुग्णालयात पाठवले असे सांगितले.

दरम्यान, कोरोना महामारीत गेल्या तीन महिन्यापासून  खासगी रुग्णालयांनी नागरिकांची  अक्षरशः आर्थिक लूट  सुरू केली आहे. यामुळे राज्य सरकारने या खाजगी रुग्णालयाच्या मनमानी कारभारावर पायबंद घातला पाहिजे,  नाहीतर नागरिकांमध्ये  असंतोष वाढून नागरिक रस्त्यावर उतरून अश्या रुग्नालयाची तोडफोड केल्या   शिवाय राहणार नाही. अशी संतप्त प्रतिक्रिया  सामाजिक कार्यकर्ते व्यक्त करीत  आहे.

या बाबत महापालिकेच्या अतिरिक्त आयुक्त सुनील पवार यांंच्याशी संपर्क साधला असता  तक्रारीचे निवेदन प्राप्त झाले असुन योग्य ती शहानिशा, कार्यवाही बाबत आरोग्य विभागाकडे पाठविले असल्याचे सांगितले. तर  पालिकेच्या आरोग्य विभागाच्या अधिकरी डॉ. प्रतिभा पानपाटील यांनी या प्रकरणी तक्रार प्राप्त झाली असून  शहानिशा करून कारवाई करू अशी प्रतिक्रिया दिली.