राजगृहावर हल्ला प्रकरणी मुलुंड मध्ये निदर्शने
- by Adarsh Maharashtra
- Jul 08, 2020
- 684 views
मुलुंड :(शेखर चंद्रकांत भोसले) डॉ बाबासाहेब आंबेडकर यांच्या राजगृह या निवासस्थानावर काही समाजकंटकांनी हल्ला करुन नासधूस केल्याच्या निषेधार्थ आज सकाळी १२ वाजता रिपब्लिकन पार्टी ऑफ इंडिया (आठवले गट), मुलुंड तालुक्याच्या वतीने अध्यक्ष योगेश शिलवंत यांच्या नेतृत्वाखाली निषेध आंदोलन करण्यात आले तसेच मुलुंड पोलिस स्टेशनचे वरिष्ठ पोलिस निरीक्षक रवि सरदेसाई यांना भेटून निवेदन देण्यात आले. सदर प्रसंगी पक्षाचे सर्व पदाधिकारी व कार्यकर्ते मोठ्या संख्येने उपस्थित होते.
काल संध्याकाळी डॉ. बाबासाहेब आंबेडकर यांचे मुंबईतील निवासस्थान असलेल्या 'राजगृहा'वर हल्ला करुन दोन अज्ञात व्यक्तींकडून तोडफोड करण्यात आली. यात घराच्या परिसरातील सीसीटीव्ही कॅमऱ्यांची तोडफोड करण्यात आली तसेच घराच्या काचांवर दगडफेक करण्यात आली आहेत. यात घरातील कुंड्यांचे मोठे नुकसान झाले आहे.
दरम्यान, ऐतिहासिक दृष्ट्या महत्त्वपूर्ण आणि पवित्र असणा-या राजगृह या वास्तूवर हल्ल्याचा प्रकार अत्यंत निंदनीय आणि धक्कादायक असून या हल्ल्यात सहभागी असणाऱ्यांना अटक करून कठोर शिक्षा करावी तसेच या मागे कुणाचा हात आहे हे शोधण्यासाठी या हल्ल्याची सीआयडीद्वारे सखोल चौकशी करावी, अशी मागणी केंद्रीय मंत्री रामदास आठवले यांनी केली आहे. तर ‘राजगृहाच्या आवारात घुसून काही गुंडांनी धुडगूस घातला हे धक्कादायक आहे. ही वास्तू फक्त आंबेडकरी जनतेची नाही तर संपूर्ण समाजाचे श्रद्धास्थान आहे. राजगृहाचा अवमान करणाऱ्यांची सरकार गय करणार नाही. कडक कारवाईचे आदेश मी पोलीसांना दिले आहेत' असे ट्विट सीएमओच्या ट्विटर हँडलवरून मुख्यमंत्री उद्धव ठाकरे यांनी केले आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम