मुंबई :(प्रतिनिधी) राजगृह म्हणजे विश्वातील तमाम लोकशाहीवाद्यांचे प्रेरणास्थान अन्याय-अत्याचाराविरुद्ध  लढण्याचे उगमस्थान. राजगृह हे केवळ विश्वरत्न डॉ.बाबासाहेब आंबेडकरांचे निवासस्थान नसून राजगृह तमाम भारतीयांचे काळीज आहे. आज ह्याच काळजावर काही नालायक माथेफिरू समाजकंटकांनी हल्ला करून ,राजगृहाच्या खिडक्यांच्या काचा फोडल्या ,CCTV चे मोठ्या प्रमाणात तोडफोड करून नुकसान केले आहे. त्या समाजकंटकांचा तातडीने शोध घेऊन त्यांना ताबडतोब अटक करून कठोर शिक्षा ठोठावण्यात यावी , अन्यथा राज्यभर आंदोलन छेडण्यात येईल अशी घोषणा भिम आर्मीच्या राज्यप्रमुख मा.नेहाताई शिंदे यांनी केली आहे.अशी माहिती भिम आर्मीचे प्रचार-प्रसिद्धी प्रमुख भिमपँथर मा.राजेश गवळी यांनी दिली.

भारतीय लोकशाहीवाद्यांच्या काळजावर केलेला हल्ला भिम आर्मी कदापि सहन करणार नाही , असा सज्जड इशारा भिम आर्मीने दिला आहे.तसेच संविधान रक्षक ,भिम आर्मी प्रमुख भाई चंद्रशेखर आझाद 'रावण'यांच्या आदेशानुसार बुधवारी सायंकाळी ६.०० वाजता rajgruh our proud   हा   हॅशटॅग चालवून सोशल मीडियावर प्रचंड मोठ्या प्रमाणात सांकेतिक आंदोलन करण्यात आल्याची  माहिती भिमपँथर मा.राजेश गवळी यांनी एका प्रसिद्धी पत्रकाद्वारे दिली आहे.

तसेच येत्या ४८ तासात त्या माथेफिरुंना अटक करण्यात आली नाही तर संपूर्ण महाराष्ट्रात  संवैधानिक आंदोलन छेडण्यात येणार असल्याची माहिती सुद्धा भिमपँथर मा.राजेश गवळी यांनी प्रसारमाध्यमांना दिली आहे.