पिंपरी चिंचवड (प्रतिनिधी) : पिंपरी चिंचवडमधी राष्ट्रवादीचे नगरसेवक दत्ता साने यांचं कोरोनाची लागण झाल्याने नुकतंच निधन झालं. त्यानंतर आता राष्ट्रवादीचे अध्यक्ष शरद पवार यांनी साने कुटुंबाची भेट घेत त्यांचं सांत्वन केलं आहे. यावेळी कुटुंबियांनी साने यांच्या मृत्यूला रुग्णालय प्रशासनाला जबाबदार धरल्याचं पाहायला मिळालं.

दिवंगत दत्ता साने यांच्यावर योग्य पद्धतीने उपचार केले गेले नसल्याचा आरोप करत रुग्णालय प्रशासनाची चौकशी करण्याची मागणी यावेळी कुटुंबीयांनी शरद पवार यांच्याकडे केली.
पिंपरी चिंचवड महानगरपालिकेचे माजी विरोधी पक्षनेते, राष्ट्रवादीचे नगरसेवक दत्ता साने यांना कोरोनाची लागण झाली होती. त्यामुळे त्यांच्यावर रुग्णालयात उपचार सुरू होते. मात्र उपचारादरम्यान हृदय विकाराच्या झटक्याने त्यांचं निधन झालं.

दत्ता साने यांना कोरोनाची लागण झाल्यानं त्यांच्यावर सुरू होते. 4 जुलैला पहाटे 5 वाजताच्या सुमारास चिंचवड इथल्या खासगी रुग्णालयात त्यांनी अखेरचा श्वास घेतला