सौ लक्ष्मीबाई इंग्लिश मिडीयम स्कूलचे संचालक अभिषेक कुळकर्णी यांचा विवाहसोहळा लॉकडाऊनचे संपूर्ण शासकीय नियम पाळत संपन्न
- by Adarsh Maharashtra
- Jun 29, 2020
- 1258 views
मुलुंड (शेखर चंद्रकांत भोसले) : २५ जून रोजी सकाळी ठिक १२ वाजून ४१ मिनटाच्या शुभमुहूर्तावर मुलुंड पूर्व येथील प्रतिष्ठित सौ लक्ष्मीबाई इंग्लिश मिडीयम स्कूलचे संचालक चि. अभिषेक व चि. सौ. कां. श्रद्धा ह्यांनी मुलुंड पश्चिम येथील सेरेमोनियल बॅंकवे हाॅल येथे मोजक्याच नातेवाईकांच्या साथीने लॉकडाऊनच्या काळात शासनाने निश्चित केलेल्या नियमांच्या अधीन राहून विवाहाच्या गाठी बांधल्या.
सध्याच्या करोना महामारीच्या कठिण काळात, आवश्यक सर्व उपाययोजना करून हा विवाहसोहळा केवळ ५० आप्तस्वकियांच्या उपस्थितीत पार पडला. वरपिता प्रसाद कुलकर्णी ह्यांनी ठरवले होते कि विवाहाचे विधी पार पाडतांना कुठल्याही नियमांचे उल्लंघन करायचे नाही त्याप्रमाणे वरमाई पूजा कुलकर्णी ह्यांनी देखील आलेले पाहूणे हे स्थानिक रहिवासीच असतील ह्याची खबरदारी घेतली. विशेष उत्साही कामगिरी नवरदेवांच्या करवल्या तन्वी, रेवती आणि पाठराखा अथर्व ह्यांनी पार पाडली. त्यांनी आलेल्या पाहूण्यांना नविन मास्क, सॅनिटायझर दिले. तसेच येणाऱ्या प्रत्येकाचे शरीर तापमान तपासण्यात आले. या तापमानाची नोंद असलेला तक्ता हाॅलचे कार्यकारी अधिकाऱ्यांकडे सुपूर्द करण्यात आला. नववधू प्राचीच्या आईने तसेच आत्या प्रज्ञा राजेपाध्ये आणि काका सुनिल राजेपाध्ये, काका-काकु, मावशी -काका ह्यांनी चोखंदळपणे स्वयंसुरक्षा सांभाळत असतांना इतर उपस्थितांच्या सुरक्षेचीही जबाबदारी सांभाळली. वर-वधूंचे आजी, आजोबा ह्या अनोख्या विवाहसोहळ्याने मनोमन सुखावले!
आलेले पाहूणे व विधी संपन्न करणारे हेमंत वीरकर गुरूजी यांनी संपूर्ण सोहळा मास्क घालूनच पूर्ण केला. तसेच वर-वधूने देखील मास्क घालूनच परस्परांना वरमाला घातल्या. सेरेमोनियल हॉलचे हेमंत रणदिवे व मुकुंद रणदिवे यांच्या सेवातत्परतेमुळे हा कौटुंबिक सोहळा लाॅकडाउन मध्ये देखील सर्व शासकीय नियमांचे पालन करत व्यवस्थितपणे पार पडला.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम