केशकर्तनालये, ब्युटीपार्लर आजपासून सुरू ; घरकामगारांनाही परवानगी
- by Adarsh Maharashtra
- Jun 28, 2020
- 749 views
मुंबई - टाळेबंदी शिथिल करण्याच्या दुसऱ्या पर्वात राज्यात निर्बंध आणखीशिथिल केले जाणार आहेत. गेले तीन महिने बंद असलेली केशकर्तनालये आणि ब्युटीपार्लर आज, रविवारपासून सुरू होत आहेत. त्याचबरोबर गृहनिर्माण संस्थांमध्ये घरकामगारांनाही परवानगी देण्यात आली आहे.
टाळेबंदी लागू झाल्यापासून गेले तीन महिने बंद असलेली केशकर्तनालये रविवारपासून सुरू होत आहेत. याशिवाय ब्युटीपार्लर आणि स्पा यांनाही परवानगी देण्यात आली आहे. दहाच दिवसांपूर्वी मंगल कार्यालयांमधील उपस्थितांची संख्या वाढविण्याचा आदेश काढण्यात आला होता.
मॉल आणि उपाहारगृहे सुरू करण्यास परवानगी देण्याची मागणी त्यांच्या मालक संघटनांनी राज्य सरकारकडे लावून धरली आहे. धार्मिक स्थळे, उपाहारगृहे आणि मॉल सुरू करण्याबाबत दोन-तीन दिवसांत निर्णय घेण्यात येणार असल्याचे वरिष्ठ अधिकाऱ्यांनी सांगितले.
उपाहारगृहांमधून खाद्यपदार्थ घरपोच पोहोचविण्यास परवानगी देण्यात आली आहे. काही राज्यांमध्ये उपाहारगृहांमध्ये अंतरनियमाचे पालन करून परवानगी देण्यात आली.
राज्यातही तशाच प्रकारे परवानगी द्यावी, अशी उपाहारगृह मालकांच्या संघटनेची मागणी आहे. या संदर्भात मालकांनी काही मंत्र्यांची भेट घेतली होती.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम