लहान मुलीवर लैगिक अत्याचार करणाऱ्या गर्दुल्ल्या आरोपीने पोलिसावर केला हल्ला
- by Adarsh Maharashtra
- Jun 25, 2020
- 763 views
मुलुंड (शेखर चंद्रकांत भोसले) : मुलुंड पूर्व येथील एलटी रोडवरील आझाद नगर परिसरातील एका इमारतीच्या पंप रूम मध्ये एका १५ वर्षाच्या लहान मुलीला नेवून तिच्यावर एक इसम लैगिक अत्याचार करत असल्याची खबर काल दि २४ जून रोजी दुपारच्या वेळेत मुलुंड नवघर रोड पोलिस स्टेशनला मिळाली. खबर मिळताच मुलुंड नवघर पोलिस स्टेशनच्या पोलिसांनी घटनास्थळी धाव घेतली. परंतु पंप रूमचा दरवाजा आतून बंद असल्याचे आढळल्याने पोलिसांनी दरवाजा ठोकावून आतील इसमास दरवाजा उघडायला सांगितले. बाहेर पोलिस व नागरिक जमा झाले आहेत व आता आपल्याला मारणार या भीतीने स्वसंरक्षणासाठी पंपरूम मध्ये भिंतीच्या कडेला पडलेला कपडे धुण्यासाठी वापरणारा धोखा सदर इसमाने उचलला व दरवाजा उघडून दरवाजावर उभ्या असलेल्या पोलिसाच्या डोक्यात हाणला. या हल्ल्यात पोलिस भरत सूर्यवंशी यांच्या डोक्याला जबर मार बसल्याने रक्तबंबाळ झाले.
जखमी पोलिस भरत सूर्यवंशी यांना स्थानिकांनी तातडीने बाजूलाच असलेल्या आशीर्वाद रुग्णालयात हलविले. तेथे प्राथमिक उपचार केल्यानंतर पुढील उपचारासाठी त्यांना मुलुंड पश्चिमेला असलेल्या फोर्टिस रुग्णालयात नेण्यात आले. तेथे त्यांच्या डोक्यावर ८ टाके घालण्यात आले असून पुढील उपचार चालू करण्यात आले आहेत. आज सकाळी भरत सूर्यवंशी यांना डिसचार्ज देण्यात आला असल्याचे पोलिस सूत्रांनी सांगितले.
पोलिसांवर हल्ला करणाऱ्या तसेच लहान मुलीवर लैगिक अत्याचार करणाऱ्या या आरोपीचे नाव चेतन हितेन्द्र भोजय्या असून त्याला पोलिसांनी अटक केली. आरोपी हा गर्दुल्ला असल्याचे समजले असून त्याला रिमांड मध्ये पाठविण्यात आले आहे. भारतीय दंडविधान कलम क्र ३५४, ३५३, ३३२, ३४३ तसेच पॉस्को खाली अटक करुन वरिष्ठ पोलिस निरीक्षक पुष्कराज सूर्यवंशी यांच्या मार्गदर्शनाखाली पोलिस निरीक्षक संजय खेडेकर हे या घटनेचा अधिक तपास करत असल्याचे व.पो.नि. पुष्कराज सूर्यवंशी यांनी सांगितले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम