मुंबई दि.18 (जीवन तांबे)पूर्व वैमनस्यातून चेंबूर येथील पी.एल लोखंडे मार्गावर राहणाऱ्या एका तरुणावर आज पहाटे गोळीबार झाल्याने त्यात तो जखमी झाला आहे. त्याला उपचाराकरिता सायन येथील लोकमान्य टिळक रुग्णालयात दाखल केले आहे.

सादिक इनायत खान-  36  असे या जखमींचे नांव आहे.

घराच्या दरवाजावर गोळीबार केल्याने गोळीच्या आकाराची छिद्राची निशाणी

चेंबूर येथील पी.एल लोखंडे मार्गावरील राठी वझीर बाबा चाळ मध्ये आपल्या कुटुंबासहित रहात होता.   सादिक हा काही दिवसांपूर्वी जवळच्या शौचालायला गेला असता त्याने तोंडाला मास्क  लावला नव्हता त्यामुळे आरोपी नवनीत राणा याचा भाऊ बंटी याने याबाबत त्याला हटकले होते.

सादिकने रागाच्या भरात आरोपी नवनीत राणाच्या भावाच्या कानशिलात लगावली होती. त्यामुळे सादिक याने आपल्या साथीदारसह राणा च्या भावावर तलवारीने वार करून त्याला जखमी केले होते. सुदैवाने तो त्यात बचावला होता.  हा राग नवनीत राणा यांच्या मनात खूप दिवसापासून खदखदत होता.  आज ता. 18 जून रोजी पहाटे 4.00 वाजण्याच्या सुमारास आरोपी नवनीत राणा याने आपल्या साथीदारासह   सादिक याच्या घरी जाऊन  दरवाजा ठोठावला व त्याला बाहेर येण्याचे आव्हान केले.

   घरात सर्व ठिकाणी रक्ताचा सडा

घराच्या बाहेरून कोणीतरी आवाज देत असल्याचे ऐकताच त्यांची पत्नी मेहरुनीसा हिने दरवाजा उघडला असता आरोपी नवनीत सिंग राणा व त्याच्या  साथीदाराने रिव्हॉल्व्हर काढून  दरवाजाच्या बाहेरुन दोन राउंड फायर करून पलायन केले. 

यात सादिक खान यांच्या डाव्या हाताच्या पंजाला व पाठिवर दोन गोळ्या लागल्याने तो त्यात जखमी झाला. त्याच्या पत्नीने शेजाऱ्यांची मदत घेऊन जखमी सादिकला उपचारकरिता सायन रुग्णालयात दाखल केले.  

याबाबत टिळक नगर पोलीस ठाण्यात गुन्ह्याची नोंद झाली असून पोलीस पुढील तपास करीत आहेत.