लॉकडाऊन काळात गैरहजर असलेल्या सुरक्षा रक्षकांना कामावर घेणार
कामगार नेते अँड. प्रकाश देवदास यांची मध्यस्थी
- by Adarsh Maharashtra
- Jun 14, 2020
- 781 views
मुंबई :मुंबईत कोरोनाच्या विषाणूचा संसर्ग फैलावू नये म्हणून गर्दीवर नियंत्रण आणण्यासाठी २४ मार्च पासून लॉकडाऊन सुरू आहे. या लॉकडाऊन मध्ये आपल्या कर्तव्यापासून दूर पळणाऱ्या म्हणजे कामावरच न येणाऱ्या पालिकेतील काही सुरक्षाकांना कामावर रुजू घेण्यासाठी पालिका कार्यालयीन कर्मचारी संघटनेचे सरचिटणीस अँड. प्रकाश देवदास यांनी पालिका प्रशासनासोबत चर्चा केली आहे. ही चर्चा सकारात्मक झाल्याने
आणीबाणीच्या काळात कर्तव्यापासून दूर पाळणाऱ्या दांडीबद्दर सुरक्षा रक्षकांना आज किंवा उद्या कामावर रुजू करून घेण्यात येणार आहे. विशेष म्हणजे लॉक डाऊन काळात गैहजर राहणाऱ्या या सुरक्षा रक्षकांना कामावर रुजू करणार असल्याची माहिती अँड.प्रकाश देवदास यांनीच पत्रकारांना दिली.
दरम्यान, लॉकडाऊनच्या काळात आपल्या जीवाची पर्वा न करता रुग्णालये, महापौर, आयुक्त, अतिरिक्त आयुक्त, स्मशानभूमी, दवाखाने आदी ठिकाणी कर्तव्यावर हजर राहून प्रामाणिकपणे आपले कर्तव्य बजावणाऱ्या ८५ सुरक्षा रक्षक आणि ६ सुरक्षा अधिकारी अशा ९१ जणांना आतापर्यंत कोरोनाची लागण झाली आहे.त्या पैकी ५ जणांचा मृत्यू झाला आहे. हे मृत्यू २० मे ते ७ जून या १७ दिवसात झाले. केईएम् , सी- विभाग चंदनवाडी, देवनार कत्तलखाना, एफ-दक्षिण विभाग व मालाड पी-उत्तर विभाग येथे हे सुरक्षा रक्षक कर्तव्यावर हजर असताना त्यांचा मृत्यू झाला आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम