शिवराज्याभिषेक सोहळानिमित्त "टर्की" पक्षाच्या पिसावर साकारली 'जाणता राजा'ची प्रतिमा
- by Adarsh Maharashtra
- Jun 06, 2020
- 696 views
मुलुंड :(शेखर चंद्रकांत भोसले) ६ जूनला महाराष्ट्रात सर्वत्र शिवराज्याभिषेक सोहळा
थाटामाटात साजरा होतो. यावर्षी कोरोनाच्या पार्श्वभूमीवर रायगडावर शिवभक्तांची गर्दी राष्ट्रहिताच्या दृष्टीने घातक ठरणार होती म्हणून रायगडावर न जाता घराघरांत शिवराज्याभिषेक सोहळा साजरा करण्याचे शिवभक्तांनी ठरविले. त्यालाच अनुसरून कलेतून आपली वेगळी ओळख निर्माण करणारे भांडूपचे कलाकार व शिवभक्त निलेश चव्हाण यांनी टर्की पक्ष्याचे पीस घेऊन त्यावर छत्रपती शिवाजी महाराज यांची देखावा स्वरूपात प्रतिमा रेखाटत मराठी बांधवांना अनोख्या शिवराज्याभिषेक सोहळ्याच्या शुभेच्छा दिल्या आहेत.
'टर्की' या पक्षाच्या पंखावर निलेश यांनी शिवाजी महाराजांचा देखावा साकारला असून निलेश यांना चार ते पाच तास एवढा कालावधी ही कलाकृती साकारण्यासाठी लागला आहे. शिवराज्याभिषेक सोहळ्याचे औचित्य साधून आगळ्या वेगळ्या शुभेच्छा देण्यासाठी निलेश यांनी ही कलाकृती साकारली आहे.
'दर वर्षी मराठी बांधव ६ जून या दिवशी रायगडावर महाराजांना वंदन करण्यासाठी जातात. परंतु सध्याच्या घडीला टाळेबंदी असल्यामुळे सर्व मराठी बांधवांनी महाराजांना घरीच राहून वंदन केले. यामुळे ही कलाकृती साकारत मीही शिवाजी राजांना शुभेच्छा देत आहे. तसेच हे पंख मी ज्यांच्याकडे 'टर्की' हा पाळीव पक्षी आहे, त्यांच्याकडुन घेतले आहे' असे निलेश चव्हाण यांनी यासंदर्भात सांगितले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम