आर्सेनिक अल्बम 30 या होमिओपॅथी औषधांच्या तुटवड्यामुळे ब्लॅकमध्ये चढ्या भावात काही दुकानदारांकडून विक्री
- by Adarsh Maharashtra
- Jun 02, 2020
- 646 views
मुलुंड :(शेखर चंद्रकांत भोसले) आर्सेनिक अल्बम 30 या होमिओपॅथी औषधांच्या गोळ्या रोगप्रतिकारक शक्ती वाढविण्यासाठी प्रभावी करु शकतात, असे आयुश मंत्रालयातर्फे स्पष्ट करण्यात आल्यानंतर हे औषध खरेदी करण्यासाठी मुलुंड, भांडूप मधील अनेकांनी आपला मोर्चा होमिओपॅथी क्लिनिक आणि दुकानांकडे वळविला परंतु गेल्या काही दिवसांपासून या औषधांचा तुटवडा जाणवू लागला असून मुलुंड मधील कोणत्याही होमिओपॅथी दुकानात आणि क्लिनिकमध्ये हे औषध उपलब्ध नाही आहे त्यामुळे अनेक नागरिक ब्लॅकमध्ये हे औषध विकत घेतांना दिसत आहे. मोठ्या प्रमाणात आर्सेनिक अल्बम 30 या होमिओपॅथी औषधांची मागणी वाढल्यामुळे मुलुंड, भांडूपमधील काही दुकानदारांनी चढ्या भावात या गोळ्या विकण्यास सुरुवात केली असून काही सामान्य नागरिक कोरोनाच्या पार्श्वभूमीवर रोगप्रतिकारक शक्ती वाढावी म्हणून ब्लॅकमध्ये जास्त पैसे देवून हे औषध विकत घेत आहेत.
काही सामाजिक संस्था व लोकप्रतिनिधी मोफत मध्ये या गोळ्यांचे वाटप मुलुंड, भांडूपमध्ये करत आहेत तरीही सर्वांपर्यंत या मोफत गोळ्या पोहचत नसल्यामुळे काहींना होमिओपॅथी औषधांच्या दुकानातून औषध विकत घ्यावे लागले परंतु तेथेही या गोळ्यांचा तुटवडा निर्माण झाल्याने खरेदीदारांची मानसिकता ओळखून काही लबाड दुकानदारांनी ब्लॅकमध्ये औषध विकायला सुरुवात केली असून ग्राहक चढ्या भावातही हे औषध विकत घेतांना दिसत आहे.
या गोळ्या एका विशिष्ट प्रमाणातच सेवन करायच्या असून अतिरिक्त सेवन केल्यास त्या शरीरास हानिकारक ठरू शकतात. त्यामुळे शक्यतो होमिओपॅथी डॉक्टरांच्या सल्ल्याने या औषधाचे सेवन करण्यात यावे असे मुलुंडमधील एका होमिओपॅथी औषधांच्या दुकानदाराने सांगितले असून मोफत मिळाले तरी अतिरिक्त सेवन करु नये तसेच ग्राहकांनी ब्लॅकमध्ये चढ्या भावात देखील औषध विकत घेवू नये. सरकारकडून लवकरच या औषधांचा नवा साठा उपलब्ध केला जाणार आहे, असे मुलुंडमधील काही दुकानदारांनी सांगितले
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम