सहकारी बँक कर्मचार्यांच्या समस्यांचे निरासरण करण्याकरिता युनियन अध्यक्ष आनंदराव अडसुळ यांनी घेतली बैठक
- by Adarsh Maharashtra
- Jun 01, 2020
- 842 views
मुलुंड :(शेखर चंद्रकांत भोसले) कोरोनाच्या पार्श्वभूमीवर लॉकडाऊनच्या काळात ग्रेटर बँकेच्या कर्मचा-यांना कामात निरनिराळ्या अडचणी येत असून विविध समस्यांना सामोरे जावे लागत आहे. या संदर्भात दि ३० मे रोजी को-आॅप बँक एम्प्लाॅइज यूनियनचे अध्यक्ष आणि माजी केंद्रीय राज्यमंत्री आनंदराव अडसुळ यांची युनियन पदाधिकाऱ्यांनी भेट घेऊन त्या अडचणी सोडवण्यासंदर्भात अध्यक्षांसोबत चर्चा करण्यात आली. यूनियनचे उपाध्यक्ष नंदकुमार रेगे, कर्मचारी प्रतिनिधी सुरेंद्र शेटे, शाखाप्रमुख व युनियन सदस्य चंद्रकांत शेलार व इतर पदाधिकारी या चर्चेच्यावेळी उपस्थित होते. या चर्चेच्या वेळी यूनियनचे अध्यक्ष आनंदराव अडसुळ यांनी कोरोनाच्या काळात युनियन पदाधिकाऱ्यांमार्फत करण्यात येत असलेल्या सामाजिक कार्याची विचारणा केली.
कोरोना प्रादुर्भावाच्या महामारीशी लढा देत लाॅकडाऊन चालू झाल्यापासून आता पर्यंत ग्रेटर बँकेचे कर्मचारी रोज आपल्या कामाच्या ठिकाणी जाऊन आपल्या खातेदारांसाठी आपली सेवा बजावत आहेत तसेच मुलुंड येथील शाखाप्रमुख चंद्रकांत शेलार यांनी मुलुंड मधील शाखा क्र १०७ तर्फे लाॅकडाऊन दरम्यान लोकांना मास्क वाटप, सॅनिटाईजर वाटप, कोरोना बाबत जनजागृती अभियान, नागरिकांसाठी परिसरात भाजीपाला विक्री केंद्र, धान्य वाटप, रक्तदान शिबिर, आरोग्य शिबिर, अन्न वाटप, निर्ज॔तुकीकरण फवारणी, परप्रांतीय मजूरांना आपल्या गावी जाण्याकरिता मदत इत्यादी केलेल्या कामांची संपूर्ण माहिती यूनियनचे अध्यक्ष आनंदराव अडसुळ यांना देण्यात आली.
'८०% समाजकरण व २०% राजकारण या शिवसेनेच्या सिध्दांताचे लाॅकडाऊनच्या पुढील काळातही पालन करत कोरोना संपेपर्यंत आपले सामाजिक कार्य असेच चालू ठेवण्याचा संकल्प असल्याचे' शाखाप्रमुख चंद्रकांत शेलार यांनी सांगितले. यावेळी माजी कार्यालयप्रमुख सतिश बंदरकर आणि उपशाखाप्रमुख सुनिल पडवेकर हे देखील उपस्थित होते.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम