धारावी मध्ये उभारले गेले 190 खाटांचे सुसज्ज कोविड हेल्थ सेंटर!
- by Adarsh Maharashtra
- May 29, 2020
- 1252 views
मुंबई ( जीवन तांबे )धारावीतील कोरोना बाधित रुग्णांवर उपचार करण्यासाठी, धारावीमध्ये 190 खाटांचे सुसज्ज असे 'कोविड हेल्थ सेंटर' उभारण्यात आले आहे. मुंबई महानगरपालिकेच्या वतीने उभारण्यात आलेले हे हेल्थ सेंटर लवकरच कार्यन्वित होणार असून यामुळे धारावीकरांना मोठा दिलासा मिळणार असल्याची माहिती स्थानिक खासदार राहुल शेवाळे यांनी दिली. पालिकेचे अधिकारी आणि नगरसेवकांसोबत खासदार शेवाळे यांनी या हेल्थ सेंटरच्या कामाचा आढावा घेतला.
धारावीतील कोरोनाबाधितांना त्याच ठिकाणी सुसज्ज वैद्यकीय सुविधा उपलब्ध व्हावी, यासाठी मुंबई महानगरपालिकेच्या वतीने धारावीतील, निसर्ग उद्यानाजवळ 190 खाटांचे 'कोविड हेल्थ सेंटर' उभारण्यात आले आहे. याठिकाणी ऑक्सिजन, व्हेंटिलेटरवर यांसह सर्व अद्ययावत सुविधा याठिकाणी उपलब्ध केल्या जातील, अशी माहिती खासदार राहुल शेवाळे यांनी दिली. या सेंटरमुळे धारावीतील नागरिकांना उत्तम दर्जाची वैद्यकीय सुविधा स्थानिक पातळीवरच उपलब्ध होणार आहे.
'धारावीमध्ये आजमितीला 1600 हुन अधिक कोरोनाबाधित असले तरीही सुमारे 700 रुग्ण बरे झाले असून गेल्या काही दिवसांत मृत्यदरही घटला असल्याची माहिती खासदार शेवाळे यांच्या वतीने देण्यात आली.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम