कर्जत(धर्मानंद गायकवाड):- रायगड जिल्ह्यातील कर्जत तालुक्यांतील आता कोरोनाचे रुग्ण दिवसेंदिवस वाढत चालले आहेत. आज कर्जत तालुक्यांतील माथेरान पर्यटनस्थळासह कर्जत शहरात मिळुन ७ नवीन रुग्ण सापडले आहेत. त्यामधे माथेरान शहरात ४ तर कर्जत नगरपरीषद हद्दीत ३ जणांचे कोरोनाचे रिपोर्ट पाॅझीटीव्ह आले आहेत. या मध्ये माथेरान शहरातील १ तर कर्जत मधील २ अशा एकुण तीन सरकारी डाॅक्टरांचाही समावेश असल्याने कर्जत तालुक्यांत आज सकाळपासुनच प्रचंड खळबळ माजली आहे.
रायगड जिल्ह्यातील जगप्रसिद्ध असणाऱ्या माथेरान पर्यटनस्थळी आता कोरोना दिवसें दिवस वाढतच असल्याचे समोर येत आहे. काल पर्यंत या शहरात २ जणांना कोरोनाची लागण झाल्याचे समोर आले होते, मात्र आज या कोरोनाग्रस्तांचा संपर्कात आलेल्या आणखी ४ जणांची कोरोना चाचणीचे रिपोर्ट पाॅझीटीव्ह आल्याने आता माथेरान शहरात एकुण ६ जणांना कोरोणाची लागण झाली आहे. त्यामुळे माथेरान शहरात प्रचंड भितीचे वातावरण पसरले आहे. तसेच माथेरान पर्यटनस्थळी कोरोना चे रुग्ण वाढणे ही गंभीर बाब मानली जात आहे. त्यामुळे माथेरान नगर परिषद प्रशासनाने कोरोना व्हायरस संसर्ग रोखण्यासाठी आता कडक उपाय योजना करण्याची मागणी होत आहे.
 कर्जत तालुक्यांत आज सापडलेल्या ७ कोरोना रुग्णांपैकी ३ सरकारी डाॅक्टर कोरोना पाॅझीटीव्ह आल्याने कर्जत तालुक्यांत चिंतेचे वातावरण पसरले आहे. कर्जत शहरातील २ सरकारी डाॅक्टर व माथेरान शहरातील १ सरकारी डाॅक्टरांचा कोरोना टेस्ट चा अहवाल पाॅझीटीव्ह आढळले आहे. त्यामुळे रुग्णालयात या डाॅक्टरांनी अनेक जणांवर उपचार केले असल्याने कर्जत तालुक्यांत आणखी कोरोनाचे रुग्ण वाढण्याची शक्यता वर्तविली जात आहे. तसेच कर्जत तालुक्यांतील माथेरान शहरात तर बाहेरुन येणाऱ्यांनीच कोरोना घुसविला असल्याची जोरदार चर्चा आहे. पर्यटन व्यावसायावर माथेरानकरांचा उदरनिर्वाह आहे. त्यामुळे माथेरान शहरात कोरोना वाढल्यास याचा मोठा परीणाम माथेरानचा पर्यटन व्यवसायावर होण्याची भिती आता माथेरानकरांमधे पसरली आहे. तसे झालेच तर माथेरानकरांचा उदरनिर्वाहाचा प्रश्नही निर्माण होणार आसल्याचा सूर येथिल नागरीक काढीत आसल्याचे दिसते.           विशेष म्हणजे कर्जत तालुक्यांतील ग्रामीण भागांत कोरोनाचे प्रमाण कमी असतानाच कर्जत शहरात मात्र कोरोनाचे रुग्णांचा आलेख वाढता दिसत आहे. त्यामुळे कर्जत शहरात नगरपरीषद प्रशासनाने कडक नियम लागु  करावेत, तर कर्जत शहरातील नागरीकांनीही सरकारचा सुचनांचे काटेकोर पालन करणेही गरजेचे आसल्याचे जन माणसांत बोलले जात आहे. अन्यथा कर्जत शहरात कोरोना प्रंचड फोफावला जाण्याची शक्यता काही वैद्यकीय तज्ञांनी वर्तविली आहे. तसेच ग्रामीण भागातील लोकांनीही कर्जत शहरात गर्दी करु नये, असा सूर निघत आहे. खेड्यापाड्यातील लोकांनी शहरात गर्दी केल्यास कोरोना खेड्यांमधेही जोरदार थैमान घालुन मोठे नुकसान करण्याची चर्चा सर्वत्र सुरु आहे.
 दरम्यान आता कर्जत तालुक्यांत समुहाने कोरोना पाॅझीटीव्ह रुग्ण आढळत आहेत. त्यामुळे कर्जतकरांमधे प्रंचड भितीचे सावट आहे. आज ७ नवीन कोरोना रुग्ण कर्जत तालुक्यांतील कर्जत शहरात व माथेरान शहरात सापडल्याने कर्जत तालुक्यांतील कोरोनाग्रस्तांची संख्या २७ वर पोहोचली आहे. तर कर्जत येथिल २ आणि माथेरान येथिल १ वैद्यकीय तज्ञ असे ३ जणांना कोरोनाची लागण झाल्याने या वैद्यकीय तज्ञांनी उपचार केलेले कर्जत आणि माथेरान शहरातील काही नागरीकही धास्तावले आहेत. त्यामुळे आता कर्जत तालुक्यांत कोरोना वेगाने वाढत असल्याचे चित्र दिसत आहे. तसेच हा कोरोना प्रादुर्भाव रोखण्या करता आता कर्जत तालुक्यांत कडक नियम लागु होण्याची शक्यता आहे. कर्जत तालुक्यांत आता पर्यंत २७ रुग्ण कोरोना पाॅझीटीव्ह पैकी ४ रुग्ण बरे झालेले आहेत, तर २ जणांची म्रुत्यु झाला आसुन २१ जण उपचार घेत आहेत. मुंबई आणि पुण्याचा जवळ असणाऱ्या कर्जत शहरात कोरोना वाढत असतानाच सुरक्षित असणाऱ्या माथेरान शहरातही कोरोनाची संख्या वाढणे चिंतेचा विषय ठरला आहे. त्यामुळे माथेरान शहरात कोरोना कसा आला? कोणाच्या परवानगीने मुंबईतील तो परीवार माथेरान शहरात घुसला? याबाबत माथेरान शहरात उलटसुलट चर्चा आसतानाच कोरोना पार्दुर्भाव रोखण्यासाठी कर्जत व माथेरान शहरा मधील प्रशासन प्रयत्न करीत असल्याचे चित्र दिसुन येत आहे.