कर्जत(धर्मानंद गायकवाड);- रायगड जिल्ह्यातील कर्जत तालुक्यांत कोरोनाचा प्रसार वाढत असतानाच काल माथेरान पर्यटनस्थळी हादरले. माथेरान पर्यटनस्थळी एका मुलीची कोरोना टेस्ट पाॅझीटीव्ह आल्याने एकच खळबळ माजली आहे. त्यामुळे या मुलीचा संपर्कात आलेल्यांमधे धास्तीचे वातावरण पसरले आहे. तर जग प्रसिद्ध असणारे माथेरान शहरही प्रशासनाने प्रंचड खबरदारी घेवुनही सुरक्षित राहीले नसल्याचे बोलले जात आहे.
 रायगड जिल्ह्यातील विविघ ठिकाणी कोरोना रुग्णांची संख्या दिवसेंदिवस वाढतच चालली आहे. असे असतानाच कर्जत तालुकाही याला अपवाद राहीला नाही. या तालुक्यांच चौथ्या लाॅकडाऊनमधे शिथिलता मिळाल्या नंतर नागरीकांचा अधिक वावर सुरु झाला होता. परीणामी शासनाचा सुचनांकडे दुर्लक्ष झाल्याने कर्जतचा कोरोना रुग्णांचा आकडा वाढला आहे. तर माथेरान शहरात मुंबईवरून आलेल्या एक कुटुंबाला क्वारंटाईन करणेत आले होते. त्यापैकी एका महीलेला लक्षणे जाणवल्याने त्या महीलेची कोरोना टेस्ट करणेत आली होती. त्यामघे या महीलेचा कोरोना टेस्टचा रिपोर्ट पाॅझीटीव्ह आला होता. त्यानंतर कोरोनाने माथेरानमधेही शिरकाव केला आसल्याचे माथेरान शहरात बोललं जात आहे.
 विशेष म्हणजे या महीलेचा कुटुंबाची कोरोना टेस्ट करण्यात आली होती. त्यामघे एका मुलीला कोरोनाची लागण झाल्याचे समोर आले आणि माथेरानमधे हाहाःकार माजला, त्यामुळे माथेरानकरांनीही आता दक्ष राहणे गरजेचे असल्याचे बोलले जाते. तसेच कर्जत तालुक्यांतील माथेरान पर्यंटन स्थल निसर्गाने बहरले आहे. माथेरान प्रशासनाने प्रंचड सतर्कता बाळगली होती. मात्र बाहेरुन माथेरान शहरात कोरोना घुसला असल्याचे बोलले जात आहे. त्यामुळे बाहेरुन येणाऱ्यांना आवर घालावा अशी मागणी जनमाणसातुन केली जात आहे.
 दरम्यान माथेरान शहरात आलेल्या महीलेला कोरोनाची लागण असल्याचे समजताच येथिल राजकीय वातावरणात आरोप प्रत्यारोप झाले आहेत. तसेच ही महीला माथेरान शहरातील एका हाॅटेलमधे काम करीत होती. मात्र सदर कोरोनाग्रस्त महीला लाॅकडाऊन काळात मुंबईत अडकली होती. मात्र लाॅक डाऊन शिथील होताच ही महीला माथेरान शहरात आली होती. मात्र माथेरान शहरात घुसणे प्रंचड कठीण असतानाच ती महीला माथेरान शहरात आलीच कशी? असा सवाल येथे उपस्थितीत होत आहे. कोणाचा आशिर्वादाने कोणतीही परवानगी नसताना या महीलेला आत प्रवेश मिळाला? याबाबत येथे उलटसुलट चर्चा सुरु आहे. त्यामुळे माथेरान शहरात कोरोना मुंबईतून आल्याचे येथिल नागरीक सांगत आहेत. त्यामुळे माथेरान शहरात बाहेरुन येणाऱ्यांना प्रवेश न देण्याची मागणी करण्यात येत आहे.