मुंबई, ता. २६, मे  (क्री. प्र.), महाराष्ट्र राज्य खो-खो असोसिएशनच्या वतीने  आज   खो-खो खेळाडूंसाठी ऑनलाइन पौष्टिक आहार मार्गदर्शन कार्यशाळेचे आयोजन करण्यात आले होते.  या कार्यशाळेत संपूर्ण महाराष्ट्रातून एकूण ७०० जणांनी सहभाग घेतला होता.

देशात सर्वत्र कोरोना विषाणूचा प्रादुर्भाव व प्रतिबंधात्मक उपाययोजनांसाठी लॉकडाऊनची स्थिती आहे याच दरम्यान नुसतेच हातावर हात ठेवून न बसता  महाराष्ट्र खो-खो असोसिएशन खो-खो खेळाडूंसाठी ऑनलाइन पौष्टिक आहार मार्गदर्शन   कार्यशाळेचे आयोजन करण्यात आलेले होते. अपूर्वा कुंभकोनी (पौष्टिक आहारतज्ञ) ज्या  स्वतः  पी. टी. उषा अथेलेटिक्स स्कूल,  महाराष्ट्रा ऑलिंपिक असोसिएशन, महाराष्ट्रा अथेलेटिक्स असोसिएशन आदि संस्थामध्ये पौष्टिक आहार मार्गदर्शक म्हणून काम पाहतात त्यांनी यावेळी मार्गदर्शन केले .  लॉकडाऊनची  दरम्यान  याप्रकारे खेळाडू, पंच तसेच मार्गदर्शक यांच्यासाठी कार्यशाळा तसेच ऑनलाइन परीक्षा यांचे आयोजन  महाराष्ट्र राज्य खो-खो असोसिएशनच्या वतीने घेण्यात आलेले होते. 

  आज खो-खो खेळाडूंसाठी ऑनलाइन पौष्टिक आहार मार्गदर्शन कार्यशाळेत  मार्गदर्शन करताना  अपूर्वा कुंभकोनी यांनी विविध जीवनसत्व आणि त्यात कोणकोणत्या गोष्टी येतात याबद्दल कोष्टक सादर करून मार्गदर्शन केले. खेळाडूंनी  कोणता आहार टाळावा आणि कोणता करावा याचे मार्गदर्शन करताना खेळाडूंनी विचहरलेल्या अनेक प्रश्नना  समर्पक उत्तरे दिली. खेळाडूंनी अंडी खावी का व कधी खावी. केली स्पर्धे अगोदर खावी का ? गुळाचे आहारात महत्व  आहे का पासून पाण्यामध्ये सब्जा घालून पाणी प्यावे का इथपर्यंत अनेक बाबींवर त्यांनी मार्गदर्शन केले.  ही कार्यशाळा सुमारे दोन तास अखंड चालली होती.

ही कार्यशाळा आयोजित करण्यासाठी राज्य खो खो संघटनेचे अध्यक्ष संजीवराजे निंबाळकर,  खो-खो फेडरेशनचे सहसचिव डॉ. चंद्रजीत जाधव, राज्य संघटनेचे कार्याध्यक्ष सचिन गोडबोले, सचिव गोविंद शर्मा , खजिनदार अॅड. अरुण देशमुख यांनी पुढाकार घेतला होता .