कोरोना कॉरंटाईन सेंटर मध्ये सीसीटीव्ही कॅमेरे बसविण्याची काँग्रेस तालुका अध्यक्ष महेश धानके यांची मागणी
- by Adarsh Maharashtra
- May 25, 2020
- 1371 views
शहापुर (एस.गुडेकर )शहापुर तालुक्यात कोरोना बाधीत रुग्णांची संख्या दिवसें दिवस वाढत असून बाधित रुग्णांच्या संपर्कात आलेल्या व्यक्तींना कॉरंटाईन करण्यात येते त्यासाठी दहागाव आश्रमशाळा,जोंधळे कॉलेज येथे कॉरंटाईन सेंटर निर्माण करण्यात आले आहेत,सोमवार दिनांक 25 मे 2020 रोजी सकाळी जोंधळे कॉलेज येथील कॉरंटाईन सेंटर मध्ये असलेल्या एका महिलेचा अचानक मृत्यू झाल्याने या सेंटर मध्ये कॉरंटाईन व्यक्तींची काळजी नीट घेतली जाते की नाही हा विषय पुन्हा एकदा ऐरणीवर आला असल्याने तालुक्यातील सर्व कॉरंटाईन सेंटर मध्ये सीसीटीव्ही कॅमेरे बसविण्यात यावेत अशी मागणी शहापुर तालुका काँग्रेस कमिटीचे अध्यक्ष महेश धानके यांनी केले असून याबाबतचे निवेदन त्यांनी मंत्री बाळासाहेब थोरात,ठाणे जिल्हाधिकारी राजेश नार्वेकर, शहापुर चे आमदार दौलत दरोडा,शहापुर तहसीलदार नीलिमा सुर्यवंशी याना मेलद्वारे पाठविले आहे,
निवेदनात महेश धानके यांनी पुढे म्हंटले आहे की या आधी दहागाव आश्रमशाळेत सुद्धा योग्य काळजी घेण्यात येत नसल्या बाबत तक्रारी आल्या होत्या,आता तर एक महिलेचा मृत्यू झाला आहे.तरी शहापुर तालुक्यात जितके कॉरंटाईन सेंटर आहेत तेथे तातडीने सीसीटीव्ही कॅमेरे बसविण्यात यावेत अशी मागणी काँग्रेस तालुका अध्यक्ष महेश धानके यांनी केली आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम