भांडुप सोनापूर येथील वेश्या वस्तीत अन्नधान्य शिधा, सॅनिटायझर आणि मास्कचे मोफत वाटप.
- by Adarsh Maharashtra
- May 24, 2020
- 967 views
मुलुंड :(शेखर चंद्रकांत भोसले) आज भारतासह संपूर्ण जगात कोरोना विषाणूने थैमान मांडले असल्याने, त्यावर उपाययोजना म्हणून सरकारमार्फत गेल्या दोन महिन्यापेक्षा जास्त कालावधीपासून लॉकडाऊन पुकारण्यात आला आहे. जीवनावश्यक वस्तू, वैद्यकीय सेवा आणि शासकीय यंत्रणा वगळता सर्वच उद्योग धंदे बंद आहेत. कित्येक गरीब मजुरांवर उपासमारीची पाळी आली आहे. अनेक सामाजिक संस्था गोरगरिबांना अन्नधान्य वाटप करत होते परंतु भांडूप सोनापूर येथील वेश्या व्यवसाय करणाऱ्या स्त्रिया मात्र सर्वच मोफत गोष्टींपासून वंचित राहात होत्या. त्या वस्तीत जावून कोणीही अन्नधान्य, सॅनिटायझर, मास्क वाटप करत नव्हती. याची माहिती मिळताच, जनता दल (सेक्युलर) चे ईशान्य मुंबई अध्यक्ष संजीवकुमार सदानंदन यांच्या माध्यमातून आणि रिपरिवर्तन फाउंडेशनचे उपाध्यक्ष सुशीलकुमार सावळे यांनी पुढाकार घेत भांडुप सोनापूर येथील वेश्या व्यवसाय करणाऱ्या महिलांना अन्नधान्य शिधाचे मोफत वाटप केले तसेच मास्क आणि सॅनिटायझरचे वाटप करून सामाजिक जबाबदारी जपली. साधारण. २०० महिलांना हे अन्नधान्याचे किट देण्यात आले. यावेळी जनता दल भांडुपचे प्रवीण, जमील शेख आणि रिपरिवर्तन फाउंडेशनचे उपाध्यक्ष सुशीलकुमार सावळे, विशाल खवळे, दीपक पाटील, अनिकेत सकपाळ, प्रसाद पेडणेकर, आबिद हाश्मी उपस्थित होते.
'माणसाने माणसाशी नेहमी माणसा प्रमाणेच वागावे. जात, धर्म, लिंग, व्यवसाय व इतर कोणत्याही. हे प्रकारे भेदभाव करू नये. समाजातील कोणताही घटक हा जीवनावश्यक बाबीपासून उपेक्षित अथवा वंचित राहता काम नये, सर्वांपर्यंत मदत पोहचली जावी व शासनाने देखील या घटकांपर्यंत मदत पोहोचवावी' अशा प्रकारची विंनती जनता दल (सेक्युलर) चे ईशान्य मुंबई अध्यक्ष संजीवकुमार सदानंदन यांनी माध्यमांशी बोलताना केली.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम