मुंबई,ता.20 ( जीवन तांबे )कुर्ला पालिका एल विभागाच्या अंतर्गत येणाऱ्या  पवई परीसरातील एमसीएमसीआर सेन्ट्रल मध्ये  ठेवण्यात आलेल्या क्वॉरोनटाईन रुग्णांना निकृष्ठ जेवण मिळत आहे. आज दुपारी देण्यात आलेल्या जेवणात चक्क झुरळ  सापडले असल्याने या रुग्ण महिलांना उपासी रहाण्याची वेळ आली आहे. 

कुर्ला एल पालिका विभागाच्या अंतर्गत येणाऱ्या  एमसीएमसीआर सेन्ट्रल मध्ये पालिकेने कुर्ला हलवा पूल तसेच घाटकोपर भागातील  कोरोना बाधित महिला व रुग्ण तसेच नातेवाईकांना क्वॉरोनटाईन केले आहे. या क्वॉरोनटाईन रुग्णांना पालिकेच्या ठेकेदारा मार्फत

चहा, दुपार जेवण, रात्रीचे जेवण देण्यात येते.

पालिका जे ठेकेदारा मार्फत जेवण देते ते निकृष्ठ दर्जाचे आहे. तसेच आज दुपारी देण्यात आलेल्या जेवणात  चक्क झुरळ सापडले आहे. याबाबत महिलांनी विचारणा केली असता जेवण देणाऱ्या व्यतीने तुम्हाला जेवायचे असेल तर जेवा अन्यथा स्टोव्ह आणून देतो तुम्ही स्वत: चपाती भाजा असे उर्मट उत्तरे दिले आहे. 

पालिका जेवण बरोबर देत नसेल तर आमची प्रतिकार शकती वाढणार कशी! असा सवाल क्वॉरोनटाईन महिलांनी केला आहे. 

शेवटी पालिकेने दुपारी साडे चार वाजता रुग्णांना खिचडी व कडधान्याची उसळ दिली. आम्हाला योग्य जेवण देता येत नसेल तर बाहेरून जेवण मागविण्याची परवानगी द्यावी तसेच निकृष्ठ दर्जाचे जेवण देणाऱ्या अधिकारी व ठेकेदारांवर योग्य कारवाई करण्याची मागणी क्वॉरोनटाईन महिला व त्याच्या नातेवाईकांनी केली आहे.

याबाबत विचारणा करण्यातरिता कुर्ला पालीका एल विभागाचे सहाय्यक आयुक्त मनीष वळुंज व आरोग्य विभागातील वैद्यकीय अधिकारी जितेंद्र जाधव यांना मोबाईलवरून संपर्क केला असता ते कॉल उचलत नाहीत.