साडे सहा फुटाचा अजगर आणि दोन फुटी डुरक्या घोणस या बिनविषारी सापांची सर्पमित्रांनी मानवी वस्तीतून केली सुटका
- by Adarsh Maharashtra
- May 20, 2020
- 1539 views
मुलुंड : (शेखर चंद्रकांत भोसले)
वाढत्या उष्णतेमुळे सरपटणारे वन्यजीव मानवी वस्तीत दिसून येत असून अश्याच प्रकारच्या घटना ठाण्यातील लोकमान्य नगर व वागळे इस्टेट परिसर येथील दाटीवाटीच्या वस्तीत घडून आला आहे.
लोकमान्य नगर, ठाणे येथील एका चाळीत अजगर प्रजातीचा बिनविषारी साप दिसून आल्यामुळे त्या भागातील रहिवाशांमध्ये भीतीचे वातावरण पसरले होते. स्थानिक रहिवाशी सुनील हरपाल यांनी सदर घटनेची माहिती प्लॅंट अन्ड एनिमल वेल्फेअर सोसायटी -मुंबई (पॉज-मुंबई) आणि अम्मा केअर फाऊंडेशन (एसीएफ) च्या मदत क्रमांकावर दिली. यासंबंधीची माहिती मिळताच पॉज-मुंबई एसीएफचे स्वयंसेवक हसमुख मारुती वळंजू घटनास्थळी दाखल झाले व मोठ्या शिताफीने त्यांनी येथील साडेसहा फुटाच्या अजगराला पकडण्यात यश मिळविले.
डुरक्या घोणस
तसेच वागळे इस्टेट रोड येथील ॲपलॅब कंपनी मध्ये कॅन्टीन मधून डुरक्या घोणस प्रजातीचा बिनविषारी साप असल्याची माहिती पॉज-मुंबईला मिळताच त्यांच्या स्वयंसेवकांनी तेथे धाव देवून या सापाला पकडण्यात यश मिळविले, अशी माहिती पॉज-मुंबई एसीएफचे निशा कुंजू यांनी दिली.
मानद वन्यजीव रक्षक सुनिष सुब्रमण्यन यांनी यासंदर्भात सांगितले की दोन्ही सापांची वैद्यकीय तपासणी डॉ. राहुल मेश्राम यांनी केली आणि आणि त्या दोन्ही सापांना निसर्गाच्या सानिध्यात सोडण्यात आले आहे. तसेच आपल्या विभागांमध्ये कुठलेही वन्यजीव दिसल्यास पॉज-मुंबई एसीएफ हेल्पलाईन क्रमांक ९८३३४८०३८८ किंवा वन विभाग नियंत्रण कक्षाशी १९२६ ह्या क्रमांकावर संपर्क साधावा, असे आवाहन केले आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम