मुंबई : चुनाभट्टी येथील सोमय्या  रुग्णालयात उपचाराकरिता गेलेल्या कोरोना बाधिताकडून अवव्वाच्या सव्वा भाडे आकरत असल्याने ते भाडे भरताना रुग्णाचे कंबरडे मोडत आहे अशा रुग्णालयाची परवानगी रद्द करण्यात यावी अशी मागणी नागरिकांनी केली आहे.

सोमय्या ट्रस्ट ला महाराष्ट्र शासनाने कित्येक वर्षांपूर्वी एक रुपया भाडेतत्वावर अनेक ठिकाणी जमीनी भाडेने दिल्या आहेत.

सोमय्याचे चुनाभट्टी परीसरातील एव्हरार्ड नगर या ठिकाणी सोमय्या आयुर्वेदिक  रुग्णालय, इंजिनिअर कॉलेज, मेडिकल कॉलेज उभे केले आहे.

मुंबई शहरात कोरोनाच्या रुग्णाची दिवसेंदिवस वाढ होत असल्याने पालिका रुग्णालये कोरोना बाधित रुग्णांनी भरले आहेत. 

         कोरोनाचे दरपत्रक

म्हणून शासनाने अनेक रुग्णालयांना कोरोना रुग्णानांवर उपचार करावे असे आदेश दिल्यावर त्यांनी खबरदारी घेत कोरोना बाधित रुग्णावर उपचार सुरू केले आहेत. परंतु या सोमय्या  रुग्णालयात संशयित रुग्णाकडून ५००० ते २१००० तर आयसीयू चे ३१००० भाडे उपचारा करिता दाखल झालेल्या रुग्णांकडून व्हेटिलेटर, जनरल वार्ड, स्पेशल वार्ड करिता एका दिवसाचे भाडे आकारत आहे. त्यामुळे रुग्णाला बरे होण्याकरिता हे भाडे भरावे लागत आहे. 

कित्येक रुग्णानी हे भाडे पाहून आपले घर गाठले आहे तर काहींनी पालिकेच्या रुग्णालयात दाखल झाले आहे.

अशा मनमानी कारभार करणाऱ्या रुग्णालयावर राज्य सरकार, आरोग्य विभागाने नजर ठेवून त्याना कोणतेही सरकारी फायदे देऊ नयेत.  सोमय्या रुग्णालयावर कारवाई करण्यात यावी.